Forskarar frå Universitetet i Oslo lanserer ei ny nettside om diagnosar, som gjer det vanskeleg for dei som er ramma å uttrykke seg.
– Målet med nettsidene er å dekkje eit informasjonsbehov. Me sit på mykje nyttig kunnskap, som me gjerne vil nå ut med, seier professor i lingvistikk Kristian Emil Kristoffersen.
Diagnosane som blir omtala på nettsidene er Afasi, Alzheimers sjukdom, Autisme, Cri du chat-syndrom, Downs syndrom, Spesifikke språkvanskar(SSV) og Stamming.
- LES OGSÅ:
Nyttig for pårørande
Kristoffersen håpar at pårørande til personar med språkvanskar kan ha interesse av nettsida.
– Dei er som regel svampar etter informasjon, og ein del språkvanskar finst det lite lett tilgjengeleg informasjon om, seier han.
På nettsida finst linkar til ny forsking på diagnosane, og mange av artiklane blir presenterte i ei forenkla og forkorta form. På denne måten skal informasjonen bli gjort tilgjengeleg for alle, ikkje berre fagfolk.
Men også fagfolk, som til dømes logopedar, kan ha nytte av nettsida.
– Me har kartlagt kva slags språkvanskar personar med ulike diagnosar vanlegvis slit med. Det er kunnskap som kan vere til stor nytte for blant anna logopedar, seier Kristoffersen.
- LES OGSÅ:
Sjeldan syndrom
Ifølgje Kristoffersen er Universitetet i Oslo det einaste universitetet i verda der det blir forska på dei lingvistiske utfordringane av «Cri du chat-syndromet».
– Dei fleste som er ramma har ei god forståing av språk, men har sjølve eit veldig dårleg talespråk, seier Kristoffersen.
Bare eitt barn blir født årleg i Norge med dette syndromet, som fører med seg store språkvanskar.
- LES OGSÅ:
Ikkje komplett
Kristoffersen presiserar at nettsida ikkje gir ein fullstendig oversikt over alle moglege språkvanskar.
– Me presenterer berre dei språkvanskane me i forskargruppa har kompetanse på, seier han.
Med seg på laget i utviklinga av nettida har forskarane hatt «Frambu senter for sjeldne funksjonshemmingar», «Foreldreforeningen for barn med språkvanskar», «Møller kompetansesenter», «Norsk logopedlag», «Bredtvet kompetansesenter» og «Afasiforbundet i Norge».
- LES OGSÅ:
- LES OGSå: