Norsk støttekonsert for Haiti

Norske artistar trør til for å hjelpe dei jordskjelv-råka på Haiti. 24. januar vert det støttekonsert Rockefeller.

Video nsps_upload_2010_1_15_19_47_17_842.JPG
Denne videoen er dessverre ikke tilgjengelig. Kontakt oss dersom du har spørsmål.

Sjå video: Dei sterke TV-bileta gjer at Elisabeth Andreassen vil vera med på konserten. Foto: NRK.

GramArt, interesseorganisasjon for norske artistar, arbeider no med å stable på beina ein støttekonsert for dei jordskjelvramma i Haiti. Dette gjer dei i samarbeid med Røde Kors og Kirkens Nødhjelp.

Aksjonsgruppa Dugnad for Haiti skal 24. januar arrangere ein konsert på Rockefeller i Oslo, som skal syte for pengar til arbeidet Røde Kors og Kirkens Nødhjelp gjer for å hjelpe dei som er råka av jordskjelvet i Haiti.

Det er allereie kjent fleire kjende amerikanske artistar har engasjert seg for innbyggjarane på Haiti skal få naudsynt hjelp. Musikaren Wyclef Jean, som sjølv er fødd i Haiti, har starta ein eigen innsamlingsaksjon og Jolie-Pitt Foundation donerer ein million dollar til Leger utan grenser sitt arbeid på Haiti.

Moglegheit til å hjelpe

No trør også norske artistar til for å hjelpe naudarbeidet i Haiti. Filmregissør Alexander Eik er initiativtakar til aksjonen. GramArt, Røde Kors og Kirkens Nødhjelp hadde i ettermiddag sitt første planleggingsmøte.

Gate i Port-au-Prince i Haiti etter jordskjelvet

Konsekvensane av jordskjelvet i Haiti engasjerer norske artistar.

Foto: Juan Barreto / Scanpix/AFP

- Det var grusamt å sjå omfanget av jordskjelvet. Ein kjenner avmakt, og lurer på kva kan ein gjere bortsett frå å donere pengar. Så kom ideen om å arrangere ein konsert til inntekt for Røde Kors og Kirkens Nødhjelp, seier Alexander Eik.

Den totale katastrofen ein får inn gjennom sterke fjernsynsbilete gjer at det vert lett å engasjere seg, fortel Elisabeth Andreassen.

- Det er grusomme bilete, det gjer ufatteleg inntrykk, ein kjenner at ein må gjere noko. Difor er det fint med denne moglegheita til å hjelpe, seier Elisabeth Andreassen.

Fleire arrangement

Konserten skal haldast på Rockefeller i Oslo sundag 24.januar. Eik fortel at han reknar med at om lag ti artistar, og kanskje fleire kjem til å opptre på arrangementet. Aksjonsgruppa Dugnad for Haiti planlegg også å halde mindre konsertar i Bergen og Trondheim.

Det er knapt eit døgn sidan ideen oppstod, men Eik seier at det ikkje er noko problem å få med artistar. Han lovar at svært bra artistar kjem til å stille opp. Kva artistar som skal spele kjem til å vere offentleggjort på Dugnad for Haiti si facebook-side.

- Kva artistar det vert kan eg ikkje seie enno, fordi dette er så ferskt, vi jobbar med å booke artistane no, seier Alexander Eik.

For fem år sidan mobiliserte norske artistar for å samle inn pengar til dei som vart råka av tsunamien i Asia. Då fekk dei inn 2,5 millionar kroner, og håpet er å få inn minst det same denne gongen. Eik fortel at ein også arbeider med å få skrive ein song, som skal spelast inn på plate og seljast til inntekt for aksjonen.

Kulturstrøm

  • Mikser blokkfløyte og trance

    Bergensartisten Vilde Tuv bestemte seg for å demonstrere at det går an å lage vakker musikk med blokkfløyte og trance-melodier. Hun er tema i siste utgave av programmet Musikkrommet.

    Går det an å lage vakker musikk med blokkfløyte og trance-melodier? Det bestemte bergensartisten Vilde Tuv seg for å bevise.
  • Skuespiller klar for verdensrommet

    Den russiske skuespilleren Julija Peresild sier det er for sent å bekymre seg for utfordringene ved å spille inn film i verdensrommet. – Om du er redd for ulv, bør du ikke gå inn i skogen. Det er for sent å være redd, sa Peresild til journalister under en digital pressekonferanse torsdag.

    Den 5. oktober starter hun og et filmcrew innspilling i verdensrommet. Den skal foregå over 12 dager på den internasjonale romstasjonen ISS. Det er romfartsorganisasjonen Roskosmos som skal sende den 36 år gamle skuespilleren til verdensrommet.