Krisemøte overalt etter at kultur-Oslo stenger

Kinoar og teater blir forbode i Oslo frå tysdag av. – Kulturlivet kjem til å kollapsa om det ikkje kjem hjelpetiltak, seier Stortingsrepresentant Freddy Øvstegård (SV).

Erna Solberg og Abid Raja

NEDSTENGING: Fredag blei det kjend at Oslo stenger mellom anna kinoar og teater.

Foto: Vidar Ruud / NTB

Denne artikkelen er over en måned gammel, og kan inneholde utdaterte råd fra myndighetene angående koronasmitten.

Hold deg oppdatert i NRKs oversikt, eller gjennom FHIs nettsider.

– Dette er veldig overraskande og trist, og får konsekvensar for veldig mange, seier programdirektør Christin Berg i Nordisk Film Kino.

I dag kom nyhenda om at Oslo mellom anna stenger kinoar og teater.

Berg meiner kinoane er ein trygg stad å vera.

– Me har ingen smitte. Når det er sagt, er me med på denne dugnaden. Men det er trist og synd. Kino hjelper folk ut i kvardagen, kultur er viktig for mental helse.

Ho peikar også å fleire filmar som skulle hatt premiere no i helga, men som no blir avlyste.

NRK har hatt kontakt med fleire store kulturaktørar som no har krisemøte.

– Sektoren til Raja blør

– Med desse strenge tiltaka, som me stiller oss bak, kjem kultur- og utelivet til å kollapsa om det ikkje kjem nokre hjelpetiltak. I realiteten er dei i den same situasjonen som i mars, men forskjellen no er at dei ikkje har dei same økonomiske tiltaka som då. Det betyr over og ut for dei, seier Stortingsrepresentant Freddy Øvstegård i kulturkomiteen.

Han etterlyser sterk kriseleiing frå kulturministeren.

–Sektoren han er ansvarleg for blør og treng rask handling.

Også Den Norske Opera fortel at dei stenger operaen i dag. Administrerande direktør Geir Bergkastet er fornøgd med at regjeringa no kjem med ein klar beskjed.

– Det er vanskeleg for ein institusjon som operaen å fortsetja som før når regjeringa oppfordrar publikum til å vera heime, seier han.

Kan behalda stimuleringspengar

– Dette er dramatisk og krevjande for kulturbransjen, seier kulturminister Abid Q. Raja.

Regjeringa har tidlegare kome ut med pengesum for stimuleringsordning for å hjelpa kulturbransjen til aktivitet igjen.

– Me skal sørga for at både stimuleringsordninga og kompensasjonsordninga varetar dei behova som no oppstår i kultursektoren, seier kulturminister Abid Q. Raja.

Han fortel at arrangørar ikkje treng å betala tilbake stimuleringspengane som gjeld uunngåelege økonomiske forpliktingar.

– Sjølv om både regjeringa og Stortinget har ønska å dreia støtta til sektoren frå kompensasjon til stimulering, har me framleis med oss kompensasjonsordningane både for arrangørane og for underleverandørane. No har Kulturrådet akkurat fått klarsignal til å betala ut 1.4 milliardar kroner i kompensasjon for arrangement som skulle ha vore, seier Raja.

Han fortel også at dei no skal sjå nærare på om stimulerings- og kompensasjonsordninga for filmbransjen må justerast.

– Når kinoane no stenger ned i dei to største byane i Noreg, er det klart at det er dramatisk for filmbransjen, seier han.

Status Norge

Sist oppdatert: 27.11.2020
2 500
Siste uke
121
Innlagt
328
Døde

Kulturstrøm

  • Spektakulær, men ustø eventyrfilm

    Disneys «Mulan» kom som tegnefilm i 1998. Nå er nyinnspillingen tilgjengelig for norske seere. – En film som halter litt underveis, men som reddes inn av en storslagen eventyrfølelse og stilsikker kampsport, skriver Filmpolitiet. Terningkast 4.

    Filmen «Mulan», 2020.
    Foto: Disney+
  • Film for den katte- og juleglade

    «En julegave fra gatekatten Bob» er en oppfølger til «En gatekatt ved navn Bob» fra 2016. Som sist er filmen basert på livet til en narkoman gatemusikant som reddes av katten Bob. – Julefeelgood for katteelskere, skriver Filmpolitiet. Terningkast 3.

    BOBS SISTE HOVEDROLLE: Dette ble den siste filmrollen for gatekatten Bob, som dessverre gikk bort sommeren 2020.
    Foto: Another World Entertainment