Hopp til innhold

– No vart eg heilt rørt!

Dordi Strøm sin roman «Odel» har vunne Lyttaranes romanpris 2023.

Vinner av Lytternes romanpris 2023 - Dordi Strøm

VINNAREN: Dordi Strøm (f. 1971) er scenograf, kostymedesignar og forfattar. Ho debuterte i 2021 med romanen «Flog». «Odel» er hennar andre bok.

Foto: Kristin Molvær / NRK

Etter lange diskusjonar og fleire avrøystingar er resultatet frå lyttarjuryen klart.

«Odel» av Dordi Strøm har vunne Lyttaranes romanpris 2023.

– Er det mogleg, har eg vunne? var reaksjonen til Strøm då hu fekk veta om resultatet.

Å vinne lyttarjuryen sin gunst var noko ho hadde drøymd om.

– Åh, eg berre skjelv. Herregud, dette hadde eg ikkje trudd.

Høyr augeblinken da Strøm får vite at romanen hennar vann hjarta til lyttarjuryen:

Juryen av vanlege lesarar har fordjupa seg i seks nominerte bøker, høyrt frå forfattarane og diskutert seg imellom kva roman som var den beste i 2023. «Odel» sparka i gang ein omfattande samtale.

– Ho skriv blodig og strengt realistisk om dyredrap og slakting, medan ho i neste augneblinken spinn draumar og eventyr i eit jentunge-sinn, skreiv litteraturmeldar Anne Cathrine Straume då boka vart omtala ved utgjevinga.

Omslaget til boka «Odel» av Dordi Strøm
Foto: Samlaget

Magisk, brutal, følsam, flytande

– På slutten av boka får eg jo lyst til å gå tilbake til start, smilte jurymedlem Maria Othelie Underdal under diskusjonane.

Også Torgrim Hermansen Halvari, som har både samisk, kvensk og finsk bakgrunn, fann mykje å granske i «Odel». Historia er ikkje klart geografisk plassert i Noreg. Det skapar eigne assosiasjonar for den som les.

Om det er noko som skjer i Finnmark eller om det er ved Finnskogen er ikkje lett å plassera, men heller ikkje viktig, meinte han.

Dei ulike delane i forteljinga gjer at opplevinga av romanen endrar seg basert på den som les.

Dette har også forfattaren hatt i tankane i arbeidet med boka. Dordi Strøm fortalde i forkant av diskusjonane at ho tenkjer på lesaren som éin person i eit teaterpublikum.

– Det er ein eksklusiv, intim situasjon. At éin lesar sit med framsyninga mi i fanget, og gjer ho til sitt. Det er eit enormt privilegium.

Kven er lyttarjuryen?

Kvart år inviterer NRK leseglade lyttarar frå heile landet til å delta i arbeidet med å vurdera seks finalistar.

I juryen i år sit Sindre Laksemo, Hilde Lundestad, Torgrim Hermansen Halvari, Maria Othelie Underdal og Marius Handegard Økland. Dei kjem frå ulike stader i landet, har heilt ulike jobbar og er spreidde i alder.

Dei fem møttest i starten av februar for å samanfatte opplevingane sine.

Lytterjuryen i Lytternes Romanpris.

LYTTARJURYEN: Bak frå venstre står Sindre Laksemo, Hilde Lundestad, Torgrim Hermansen Halvari. På benken sit Marius Handegard Økland og Maria Othelie Underdal.

Foto: Kristin Molvær / NRK

– Vi er jo ikkje litteraturanalytikarar på nokon måte, fortel Halvari.

Han peikar på at det er menneska som interesserer han. Økland er einig og fortel at det er bøker som «lever i meg» som gjer ein spesielt god roman til litt meir enn ei historie.

– Vi har lese seks bøker som alle er veldig bra. Så for meg var dette eit hovudkriterium undervegs i juryarbeidet: Kva bok kjem til meg dagen etter at eg har lese han?

Svaret på det spørsmålet blei «Odel» av Dordi Strøm – vinnaren av Lyttaranes romanpris 2023.

Les meldinga av Anne Cathrine Straume «Vilt og sanseleg frå bygda»

Forfatter Dordi Strøm

Lyttaranes romanpris 2022 Fikk sin første pris mens han ventet sitt første barn

Leander Djønne i en bil på storskjerm, flankert av Trude Marstein og Lars Elling på den ene siden og Ingerid Nordstrand og Cille Biermann

Kulturstrøm

  • Årets verk og Årets utøver

    Årets verk og Årets utøver 2023 ble delt ut i Spillerom, NRK P2, søndag 21. april. Dirigent og fiolinist Lars-Erik ter Jung er kåret til Årets utøver 2023. Tre vinnere får prisen Årets verk; Jan Erik Mikalsen for Fleurs, Nils Henrik Asheim for Organotopia, Tine Surel Lange – Two sides of the River. Prisene deles ut av Norsk komponistforening.

    Årets utøver og Årets verk 2023
    Foto: Kristin Kverndokk / NRK
  • Gyldendalprisen til Hanne Ørstavik

    «En av Norges mest markante og særpregede forfattere», heter det om vinneren av Gyldendalprisen for 2023, Hanne Ørstavik.

    Dermed kan Ørstavik føye enda en gjev litterær pris til en liste som fra før av omfatter Brageprisen, Sultprisen, P2-lytternes romanpris, Amalie Skram-prisen, Oktoberprisen, Doblougprisen og Aschehougprisen.

    Gyldendalprisen er på hele en halv million kroner og deles ut annethvert år til «et særlig betydelig forfatterskap uavhengig av hvilket forlag forfatteren er tilknyttet».

    Hanne Ørstavik utgir bøkene sine på Oktober forlag, har skrevet til sammen 14 romaner, senest fjorårets «Bli hos meg», og er oversatt til 30 språk.

    Hanne Ørstavik, Gyldendalprisen
    Foto: Forlaget Oktober