Pengane kjem som følgje av ei omprioritering på statsbudsjettet. Dette kom opp mot slutten av behandlinga av statsbudsjettet i Stortinget.
– Det som går på trafikktrygging blir opprioritert. Vi får på plass midtrekkverk og vegskuldrane skal utbetrast, seier stortingsrepresentant Else-May Botten.
– Det vert framleis trefelts veg?
– Trefeltsvegen blir akkurat som i dag. Men vegen blir utvida på sidene, seier Botten.
Prosjektet ligg inne som eit punkt i Nasjonal transportplan. No kan utbetringa kome så tidleg som i 2011.
– Då det viste seg at det var mogleg å omprioritere på budsjettet, var det viktig for oss å få dette på plass så snøgt som råd. No kan prosjektet setjast i gang alt tidleg i 2011 og bli ferdig same året, seier Botten.