I dag vart det kjent at svensk politi . På museet var dei ikkje klare over at kunstverka hadde forsvunne, før politiet gav beskjed om at dei hadde funne måleria.
– Det er overraskande, men det stadfester likevel det vi har påpeikt at det er mangel på inventarlister og rutiner på kva som finst i ein del museum, seier Kenneth Didriksen frå Økokrim.
Mellom dei stolne måleria var eit verk av Edvard Munch, «To venner», som ein reknar med har ein marknadsverdi på om lag ti millionar kroner.
- LES ÒG:
- LES ÒG:
Ikkje siste gong
Det er ikkje heilt uvanleg at ein først finn ut at kunst har vorte stole, når det vert funne att.
– Dette vart oppdaga av tilfeldigheit – det har skjedd før, og vil truleg skje igjen, seier Kenneth Didriksen .
At ein finn såpass kjende verk i ei husransaking er likevel litt spesielt.
– I husransakingar kan det dukke opp litt av kvart. Men det er heller sjeldan at ein finn kunstverk av denne typen, som no har skjedd i Sverige.
- LES ÒG:
- LES ÒG:
Måleria vart truleg stolne frå Malmø Kunstmuseum i løpet av opningstida.
Foto: DRAGO PRVULOVIC / SCANPIXØkonomisk motiv
Munch-bilete er svært attraktive på den internasjonale kunstmarknaden. Akkurat det måleriet som forsvann i Malmø har ein verdi på om lag ti millionar kroner, og er dermed ikkje blant dei mest verdifulle.
– Måleriet «To venner» er heilt klart meir omsetjeleg enn om det hadde vore verdt 110 millionar kroner.
Eit kunstverk som er svært kjent og verdifullt, gjev mykje merksemd og vil difor vere mykje vanskelegare å få selt. Han trur likevel at eit stole Munch-bilete, uansett vil få så mykje merksemd at det vil kunne by på problem å omsetje det.
- LES ÒG:
- LES ÒG:
Neppe tilfeldig
Kenneth Didriksen trur dei som har stole måleria har visst at dei var attraktive på marknaden.
– Eg trur ikkje det er tilfeldig at det er akkurat desse tre bileta som vart stolne.
For å klare å selje bileta, må ein byggje opp ein falsk historikk omkring dei, for å skjule at kunsten eigentleg er stolen.
- LES ÒG:
- LES ÒG:
