NVE melder om høg uvanleg høg vassføring i Vossovassdraget. Grunna høge dag- og nattetemperaturar har det vore svært stor snøsmelting dei siste dagane. Vassføringa i elva vert karakterisert som ein femårsflaum.
Geolog på plass ved Rv13
Ein geolog er på plass for å sjekka tilhøva på Riksveg 13 mellom Odda og Kinsarvik. Vegen er framleis stengt like før Tyssedaltunnellen retning Kinsarvik. Klokka 20.00 vil vegvesenet ta ei avgjerd på om vegen vert opna i dag. Det har gått fleire steinras på strekninga.
Barnevogn velta på buss
Eit barn vart frakta til legevakt for sjekk, etter at ei barnevogn velta inne i ein buss på Kleppestø i Askøy. Den første meldinga gjekk ut på at barnet hadde falle ut av bussen, men saka vart seinare avdramatisert. Barnet skal ikkje hatt synlege skadar etter hendinga.
Opnar tidlegast 14.00
Riksveg 13 mellom Odda og Kinsarvik er framleis stengt ved Kvitur bru grunna steinras. Vegen vil ikkje opna igjen før tidlegast klokka 14.00.
Ferjetrøbbel
Statens vegvesen melder om at ferjesambandet Hattvik - Venjaneset er innstilt grunna tekniske problem. Ny ferje vert sett inn frå klokka 15.00.
