Brann
Foto: Erling Johnsen

Krim og hendingar i Vestland

  • Hamna i drukkenskapsarrest

    I Loddefjord i Bergen kom politiet over ein svært rusa mann på gata klokka 01.40 i natt. Han skulle få helsehjelp, men hadde ei åtferd som sende han i drukkenskapsarrest. Mannen nekta å oppgi personalia, men dette er no avklart.

  • Ung førar mista lappen

    Ein 19 år gammal sjåfør køyrde i natt i 122 km/t i 70-sona ved studentbustadane i Sogndal. Der møtte han politi som hadde laserkontroll, og dermed måtte han gi frå seg sertifikatet på staden. Det opplyser operasjonsleiar Eivind Hellesund.

  • Hadde fest med bål og madrassar

    Ved Fantoft i Bergen kom det rundt midnatt meldingar om høg musikk og støy. Det viste seg å vere ein gjeng i 20-åra med oppblåsbare madrassar som hadde bål og fest utandørs. Dei fekk munnleg pålegg om å dempe seg. I friluftsområdet på Nøttveit festa mindreårige utandørs.

  • Rusa mann forsøkte å stanse bilar

    Rett over klokka 05 i natt fekk politiet meldingar om ein rusa mørkkledd mann som prøvde å stanse bilar i 80-sona langs Fritz C. Riebers veg i Bergen. Politiet fekk kontroll på mannen, før helsepersonell tok hand om han.