Johannes Thingnes Bø har signert ei svært lukrativ sponsorkontrakt med YX Noreg. Avtalen skal vere verdt 25 millionar kroner over fem år, melder TV 2. Stryningen starta denne veka, saman med skiskyttarlandslaget, oppkøyringa til OL i Beijing.
Gustav Valsvik frå Vik har signert kontrakt med Strømsgodset ut 2023-sesongen. Det melder klubben på eigne nettsider. For fem år sidan blei midtstopparen selt til den tyske klubben Eintracht Braunschweig, før han i 2019 gjekk til Rosenborg. Valsvik seier han alltid har hatt lyst tilbake til Strømsgodset.
Gustav Valsvik vert etter all sannsyn ny Strømsgodset-spelar om kort tid, melder DT. Søndag kveld blei det klart at stopparen frå Vik i Sogn er ferdig i Rosenborg. 27-åringen spelte 72 kampar for Strømsgodset frå 2014–2016.
Gustav Valsvik frå Vik i Vestland er ferdig som Rosenborg-spelar. På heimesidene til RBK står det at begge partar er samde om å terminere kontrakten. Valsvik fekk 32 kampar i trønderklubben. Han har tidlegare kritisert klubben for det han opplever som manglande tilit og lite speletid.
Brann slo Åsane 2-1 i siste treningskamp før seriestart.
Åsane tok leiinga med Joakim Hammersland, før Robert Taylor scora to gongar for Brann. Seriestarten er om ei veke. Då møter Brann Viking i første kamp.
