Filtrer på parti
-
Arbeidarpartiet om Ulv
Det skal vere plass til både ulv og beitedyr i Noreg
Ap meiner det skal vere plass til både ulv og beitedyr i Noreg. Dersom ein ulv drep dyr i eit viktig beiteområde, skal det vere mogleg å skyte han med ein gong. Samtidig skal eigaren få erstatning.
Les meir om AP -
Høgre om Ulv
Det skal vere ulv i Noreg
Høgre vil sørge for ein levedyktig bestand av ulv og sikre at folk føler seg trygge. Partiet vil halde på ulvesonane.
Les meir om H -
Framstegspartiet om Ulv
Lokalpolitikarane skal bestemme om det skal vere ulv i området
Frp seier ikkje noko om talet på ulv i Noreg, men vil oppheve dagens rovdyrsoner og la lokale styresmakter bestemme om det skal vere ulv i området. I tillegg vil dei la folk skyte ulv dersom han kjem inn på innmark og ikkje lèt seg skremme bort.
Les meir om FRP -
Senterpartiet om Ulv
Det skal skytast fleire ulvar i Noreg
Sp vil at ein skal kunne skyte ulven før han har gjort skade i viktige beiteområde. Jegerar kan bruke alle moglege tekniske hjelpemiddel for å drepe ein ulv som har teke beitedyr, som drone, skuter, helikopter, lys og hundar. Sp vil at ein skal lytte meir til dei lokale, og alle som mister dyr på grunn av ulv skal få full erstatning.
Les meir om SP -
Sosialistisk Venstreparti om Ulv
Det skal vere ulv i Noreg
SV meiner det er plass til ein levedyktig bestand og vil sikre samanhengande leveområde. Dei vil også gi pengar til å dempe konflikter i område med utmarksbeite. Om ein ulv gjer stor skade på beitedyr, skal det vere mogleg å skyte ulven raskt.
Les meir om SV -
Venstre om Ulv
Det skal bli fleire ulvar i Noreg
Venstre vil utvide nokre av dagens rovdyrsoner og tilpasse dei til måten ulven flyttar seg på. Partiet meiner også at dagens rovviltnemnder aukar konfliktnivået i Noreg, og vurderer andre måtar å forvalte ulven på.
Les meir om V -
Kristeleg Folkeparti om Ulv
Det skal vere ulv enkelte stadar i Noreg
KrF vil ha ein levedyktig bestand av ulv, men den skal ikkje få etablere seg utanfor kjerneområda på Austlandet. Bønder som mister sauar skal få erstatning eller støtte til å gjere noko anna.
Les meir om KRF -
Miljøpartiet Dei Grøne om Ulv
Det skal bli minst åtte til ti fleire ulvekull i Noreg
MDG vil at bønder skal få støtte til å byte ut sauar med kyr eller geit i område der ulven tek mange dyr. Partiet vil også undersøke om det er mogleg å opprette ein nasjonalpark med permanente bestandar av store rovdyr.
Les meir om MDG -
Raudt om Ulv
Det skal vere noko ulv i Noreg
Raudt meiner det skal vere høg terskel for å skyte ulv i område som er sett av til rovvilt, men låg terskel for å skyte ulv i område med mykje beitedyr.
Les meir om R