Abort

Ap vil utvide grensa for sjølvbestemt abort til veke 18, og dermed avvikle abortnemndene mellom 12. og 18. svangerskapsveke.

Partiet vil gi dei som søker seinabort oppfølging og rettleiing. Alle gravide skal få tilbod om tidleg ultralyd før veke 12.

Partiet vil reversere innstramminga gjorde på fosterreduksjon.

Les meir om AP

Høgre vil ikkje utvide grensa for sjølvbestemt abort, men jobbe for å få ned talet på uønska svangerskap og abortar.

Jordmødrer i kommunane skal få meir ansvar for å følge opp gravide.

Høgre vil la kvinner kunne ta NIPT-blodtest i privat regi, med det offentlege skal betale for testen når gravide har krav på det.

Les meir om H

Frp fristiller sine politikarar når det gjeld kor grensa for sjølvbestemt abort skal gå.

Frp vil sikre at gravide får tilgang på nye metodar for fosterdiagnostikk Se ordforklaring

Fosterdiagnostikk

Undersøkingar i løpet av svangerskapet som viser om eit foster har eller kan utvikle alvorleg sjukdom eller misdanningar. Det er tre hovudtyper undersøkingar: Fostervannsprøve, morkakeprøve og ultralydundersøking.

Lukk ordforklaring , som NIPT-blodtest, tidleg ultralyd og gentesting av befrukta egg.

Partiet vil også gjere Noreg leiande på stamcelleforsking.

Les meir om FRP

Sp vil ikkje utvide grensa for sjølvbestemt abort. Samtidig vil dei ta ein gjennomgang av korleis abortnemndene jobbar, kva rolle dei har og kva dei skal heite.

Partiet er restriktive på genteknologi og forskning på befrukta egg, fostervev og aborterte foster. Dei er mot surrogati og at du sjølv skal kunne genteste barna dine.

Les meir om SP

SV vil avskaffe abortnemndene, og sikre at kvinner sjølve har siste ord i spørsmål om å gjennomføre abort. Partiet vil halde på dagens yttergrense for lovleg abort, som gjeld fram til fosteret er levedyktig.

Dei vil lovfeste retten kvinner har til betre og valfri rådgiving og hjelp. Partiet vil reversere innstramminga regjeringa gjorde på fosterreduksjon.

SV er for tidleg ultralyd og svangerskapstesting.

Elles er SV mot surrogati. Partiet støttar høvet for å få eggdonasjon

Les meir om SV

Venstre vil avvikle abortnemndene og gi kvinner god rådgjeving og oppfølging. Abort bør bli anerkjent som ein global menneskerett.

Partiet vil gå gjennom kriteria for fosterdiagnostikk Se ordforklaring

Fosterdiagnostikk

Undersøkingar i løpet av svangerskapet som viser om eit foster har eller kan utvikle alvorleg sjukdom eller misdanningar. Det er tre hovudtyper undersøkingar: Fostervannsprøve, morkakeprøve og ultralydundersøking.

Lukk ordforklaring for å avdekke alvorleg sjukdom og utviklingsavvik. Dei vil også la det bli enklare å genteste befrukta egg og lagre eggstokkvev, egg og sæd.

Les meir om V

KrF vil ha ei ny og strengare abortlov som bygger på retten fosteret har til liv, men samtidig ivareta tryggleik og helse for kvinna.

Partiet meiner at alle må bli sikra nøytral rettleiing og økonomisk tryggleik etter fødsel.

KrF vil også fjerne paragraf 2c i abortlova om seinabort på grunn av eigenskapar ved fosteret.

Les meir om KRF

MDG vil erstatte abortnemndene med eit rådgjevande og støttande organ for dei som ønsker abort.

Alle gravide skal få tidleg ultralyd med tilleggsundersøkingar i første trimester.

Partiet vil reversere innstramminga regjeringa gjorde på fosterreduksjon.

Les meir om MDG

Raudt vil fjerne abortnemndene. Gravide som søker abort skal ha krav på rettleiing.

Ingen helsepersonell skal kunne reservere seg mot å utføre abort.

Raudt vil innføre tidleg ultralyd for alle, men seier nei til surrogati og kommersiell eggdonasjon. Partiet vil reversere innstramminga regjeringa gjorde på fosterreduksjon.

Svangerskaps- og barselsomsorgen skal bli styrkt.

Les meir om R