Gründerar

Ap vil gjere ordningane for bedrifter enklare, slik at fleire små bedrifter kan få støtte.

Partiet vil opne for at staten startar eller kjøper seg inn i selskap av store interesse for Noreg. Dei vil også bidra med pengar til bedrifter som tar risiko ved å gå inn i nye og umodne marknadar.

Ap vil endre skattereglane slik at tilsette lettare kan kjøpe aksjar i oppstartsbedrifter. Partiet vil også endre reglane for offentlege innkjøp slik at det blir lettare for små bedrifter å få kontraktar.

Ap vil gi fylka større høve til å utvikle arbeidsplassar saman med lokale bedrifter.

Les meir om AP

Vurdere om gründerar skal ha rett på permisjon frå jobben Høgre vil endre reglane for offentlege kjøp, slik at små bedrifter lettare kan konkurrere om kontraktar.

Partiet vil gjere det meir skattemessig gunstig å investere i oppstartselskap. Dei vil òg ha meir samarbeid mellom oppstartselskap og det offentlege.

Partiet vil sjå nærmare på om heiltidstilsette skal kunne kreve seks månadar permisjon for å starte si eiga bedrift. Høgre vil òg sjå på om arbeidsmiljølova er for streng for gründerar.

Les meir om H

Frp vil gjere det mindre komplisert å starte eiga bedrift, gjennom å ha færre krav til rapportering og å redusere arbeidsgjevaravgifta. Partiet vil òg forenkle krav til helse, miljø og tryggleik og vurdere endringar i arbeidsmiljølova for småbedrifter.

Frp meiner at det offentlege eigarskapet skal reduserast og at politikarane skal blande seg mindre inn i kvardagen til bedriftene.

Partiet vil at det offentlege i større grad skal kjøpe varer og tenester frå innovative oppstartsbedrifter.

Frp vil at unge lettare skal kunna starte enkeltmannsføretak frå det året dei fyller 16 år.

Les meir om FRP

Sp vil ha mindre byråkrati for småbedrifter og gjere det enklare for enkeltmannsføretak å betala skatt.

Partiet vil at små og mellomstore verksemder skal kunne samarbeida med skular om etter- og vidareutdanning.

Sp vil at sjølvstendig næringsdrivande skal vere sikra inntekt når dei tar permisjon etter å ha fått barn. Partiet vil òg hjelpe butikkar på mindre plassar med lågt kundegrunnlag.

Partiet vil at Noreg skal eiga strategisk viktige bedrifter og teknologiar.

Les meir om SP

SV vil styrke høvet kommunane og fylka har til å støtte gründerar på ein meir ubyråkratisk måte. Partiet vil desentralisere Innovasjon Norge Se ordforklaring

Innovasjon Norge

Eit statlig selskap som har som mål å auke innovasjon i næringslivet over heile Noreg.

Lukk ordforklaring så det får større nærleik til lokalt næringsliv.

SV vil gjere det lettare for tilsette å kjøpe aksjer i oppstartsbedriftene dei jobbar i.

SV vil sørge for at sjølvstendig næringsdrivande og frilansarar blir sikra dagpengar og pensjonssparing.

SV meiner at det offentlege i større grad bør kurse sjølvstendig næringsdrivande i regelverk for arbeidsliv og rapportering.

Les meir om SV

Venstre vil gi gründerar rett på dagpengar og gjere skattereglane deira enklare. Partiet vil også at dei som investerer i nystarta bedrifter skal betale mindre skatt.

Venstre vil gjere det enklare for småbedrifter å vinne offentlege kontraktar.

Dei vil også endre reglane slik at fleire gründerar kan tilby tilsette aksjar i tillegg til løn. Venstre vil putte offentlege pengar inn i private fond, som igjen skal investere i oppstartsbedrifter.

Les meir om V

KrF vil ha gründerskap som tema i heile skuleløpet, og ha fleire elev- og ungdomsbedrifter.

Partiet meiner at dei som startar bedrifter må få betre sosiale rettar. Dei vil òg putte meir pengar inn i Forskningsrådet og Innovasjon Norge for å få meir nyskaping i bedriftene.

KrF vil vidareføre planen til regjeringa for kvinnelege gründerar, og sørge for at tiltak er i tråd med behova til kvinnene.

Les meir om KRF

MDG vil endre skattereglane slik at det vert gunstigare å investere i småbedrifter enn i eigedom. Dei vil òg gjere det enklare for fleire personar å gå saman om å investera i ei bedrift.

Partiet vil at statlege selskap skal ta større risiko når dei investerer i selskap i vekst.

MDG vil gi meir støtte til å marknadsføre lokale reiselivsaktørar som er tilgjengelege med miljøvennleg transport. Partiet vil òg gi meir pengar til å skape jobbar i fylke med høg arbeidsløyse.

Les meir om MDG

Raudt vil gjere det lettare å starte bedrifter som blir styrte av arbeidarane. Ein større del av næringslivet skal også vere arbeidarstyrt eller samvirkebedrifter. Partiet meiner at det offentlege bør favorisere desse bedriftene når offentlege kontraktar blir delt ut.

Raudt vil at pengar til forsking, innovasjon og næringsutvikling skal bli fordelt av kommunane og fylka.

Partiet vil legge ned dagens Innovasjon Norge Se ordforklaring

Innovasjon Norge

Eit statlig selskap som har som mål å auke innovasjon i næringslivet over heile Noreg.

Lukk ordforklaring og bygge opp ei ny statleg ordning som skal drive med utvikling av industri og produksjon.

Partiet vil kjempe mot alle forsøk på å lage selsskapsstrukturar som svekker det organiserte arbeidslivet.

Les meir om R