– In leat goassege leamaš nu buohcci go dál

Riegádanbeaivvemátki Kanáriasulluide Espánnjai galggai Gina Utsii ja su buoremus ustibiidda šaddat stuorámus vásáhussan dán dálvvi. Dál lea guoktásis duođaštuvvon korona.

Gina Utsi

GARRA DÁVDA: Romsalaš Gina Utsi buohccái koronain maŋŋel go bođii ruoktot liegga riikkas.

Foto: Privat

– Mun in leat goassege leamaš nu buohcci go dál, dadjá Gina Utsi.

Son lea mannan bearjadaga ožžon dieđu ahte sutnje lea njommon korona virus.

Son buohccái maŋŋel luopmomátki iežas ustibiiguin. Olbmážagat ledje Kanáriasulluin Espánnjas ávvudeame riegádanbeaivvi.

Go vulge mátkái eai lean makkárge mátkegildosat, eai Norggas eaige Espánnjas.

– Jus mii livččiimet diehtán dan maid mii dál diehtit, de mii eat livčče goassege vuolgán dan mátkái.

Gina Utsi

KANÁRIASULLOS: Go Gina Utsi ja su olbmát vulge mátkái de eai lean vuos makkárge doaimmat korona vuostá Espánnjas.

Foto: Privat

Buohccái go ollii ruoktot

Go bohte ruoktot, lei Norga gidden buot skuvllaid ja bivdán olbmuid bissut ruovttus.

Mátkeguimmežagat fertejedje njuolga erremii. Gina buohccái measta ovttatmanos go ollii ruoktot Romsii.

– Álggos in diehtán, ahte mus lei dát dávda. Dalle jurddašin mus dušše lei áibbas dábálaš nuorvvu. Nu láve dovdut go olmmoš lea mátkkoštan lieggasis galbmasii, čilge Gina Utsi NRK Sápmái.

Muhto son šattai dušše vearrát ja vearrát. Sus ledje buot dovdomearkkat covdi-19 dávdii, sus lei feber, nuorvu, oaivebávččas, lađđasat bákčasat, njunni ja beallji gitta, ja ii máistán šat maidege.

Ovtta eahkeda šattai maid lossat vuoigŋat.

– Dat lei hui issoras, de mun gal jurddašin ahte jus mun dál nohkan de in boađe goassege šat gullát. Dat lei guhkes ja váivves idja.

Son vikkai váldit oktavuođa doaktáriin ja korona heahtetelefovnnain, muhto oaččui dieđu ahte nu guhka go ii dárbbaš buohccivissui, de ii dárbbaš váldit makkárge iskosa

Olbmás maid korona

Easka go su mátkeskihpáris, gii orro eará báikkis, duođaštuvvui korona, de beasai son maid váldit iskosa.

– Go gullen sus lea de árvidin ahte mus maid lea. Lea oba buorre go mun dál dieđán manne lean buohcci, de in dárbbaš vázzit ja jurddašit mii son mus lea go in oba dearvvašnuva ge.

Ieš son jáhkká ahte dávda njoamui sutnje girdis go ledje ruoktot jođus, muhto son ii dieđe sihkkarit mot lea ožžon dávdda.

Petter Elstrøm

ESPÁNNJAS NJOMMON OLUSIIDDA: Álbmotdearvvašvuođa instituhta dutki Petter Elstrøm muitala ahte 252 norgalačča leat buohccán covid-19 dávddain maŋŋel go leat leamaš Espánnjas.

Foto: Folkehelseinstituttet

– Olu norgalaččat leat ožžon korona mátkkis Espánnjas, dadjá Álbmotdearvvašvuođa instituhta dutki, Petter Elstrøm.

Son muitala ahe dušše Nuortariikkas leat eambbo norgalaččaide njommon dávda go Espánnjas.

– Dat boahtá das go olu norgalaččat leat mátkkoštan Espánnjas ja ahte doppe lea viidát njommon dat virus, lohká Elstrøm.

Espánnja lea dál dat riika maŋŋel USA ja Itália gos eanemus olbmuin lea duođaštuvvon covid-19.

Ávžžuha váldit dili duođas

Dál lea Gina leamaš buohcci jo guokte vahkku ja lea hirbmadit váiban ja ferte olu oađđit.

– Leat guhkes beaivvit, doavttir logai ahte ferten dušše leat siste, in oaččo mannat olggos. Go mun de ieš dovddan ahte lean dearvvaš, de ferten vel čieža beaivvi vuordit ovdal beasan olggos vuolgit, lohká Gina.

Son ávžžuha buohkaid dál leat várrogas ja čuovvut eiseválddit ávžžuhusaid.

– Olbmot fertejit orrut ruovttus. Lea issoras dávda, ja eat mii dieđe vel mot dat sáhttá manjitáigai čuohcat, lohká Gina.

Korte nyheter

  • Sennalandet stengt i mange timer

    E6 over Sennalandet i Finnmark vil forbli stengt i mange timer utover kvelden, etter en dødsulykke fredag ettermiddag. Det opplyser politiet på ulykkesstedet. Omkjøring mellom Alta og Hammerfest er nå via Lakselv. Strekningen er på 356 kilometer.

    E6 Sennalandet
    Foto: Hanne Wilhelms / NRK
  • 356 nye koronasmittede i Norge

    Det siste døgnet er det registrert 356 koronasmittede i Norge. Det er 152 færre enn samme dag i forrige uke.

    De siste sju dagene er det i snitt registrert 399 koronasmittede per dag. Tilsvarende snitt for sju dager siden lå på 450, så trenden er synkende.

    Torsdag var 95 koronapasienter innlagt på sykehus. Det var to flere enn dagen før.

    Koronavirus
    Foto: CDC
  • Munnbindkravet på OSL fjernes

    Ullensaker kommune har opphevet munnbindpåbudet på Oslo Lufthavn Gardermoen. Det melder Flysmart24.

    – Munnbindpåbudet på Oslo lufthavn oppheves i dag, bekrefter kommunikasjonsrådgiver Iselinn Næss i Ullensaker kommune overfor nettavisa.

    Det er kommuneoverlegen i Ullensaker som har tatt beslutningen. Den kommer etter at alle flyselskapene har kuttet ut pålegget om munnbindbruk om bord.

    Kvinne med munnbind sitter på Gardermoen mens en heimevern-soldat passerer i bakgrunnen
    Foto: Bjørn Olav Nordahl / NRK