Hopp til innhold

Korte nyheter

  • Nuorra artisttat ožžot lávllačállinveahki

    Mannan vahkkoloahpa lágiduvvui lávllačállindeaivvadeapmi Oslos, gos nuorra sámi artisttat barge ovttas hárjánan buvttadeddjiiguin.

    Sii ráhkadit lávlagiid mat soitet gilvalit boahtte jagi Sámi Grand Prix gilvvus. Dán vahku, juovlamánu 1. beaivvi lea áigemearri dieđihit iežas luđiid ja lávlagiid dohko.

    Lágideaddji lea Ella Marie Hætta Isaksen, guhte ieš lea hárjánan lávllačálli. Son lea dán deaivvadeami lágidan ovttas JM Norway:ain ja Sámi musihkkafestiválain.

    Loga ášši dárogillii.

  • – Jus e máná oattjo smávva detálljabágojt ma dåbdåjda ja árggabæjvváj gulluji, de giella jábmá

    Girjjetjálle Samuel Gælok Ájluovtas Habmera suohkanin, la giellajn álu barggam - tevstaj tjadá. Dálla l sån mánágirjev almodam gånnå la inspireriduvvam ietjas sijddabájkes Tjierrekluokta Oarjjevuonan Divtasvuonan. Ja dát la vuostasj subtsas majt sån la mánájda subtsastallam – vargga vihttalåk jage dás åvddåla. Gæloka mielas galggi ienep girje tjáleduvvat nuoregáttes.

    Girje namma l Virok ja Bájska. Iđut la girjjealmmudahka ja Nina Marie Andersen la tjuorggam tjáppa, bájnos gåvåjt.

    Girjetjálláj la ájnas mánájgirjijt tjállet, ja ávttji dal iehtjádijt tjálátjit.

    – Jus e máná oattjo smávva detálljabágojt ma dåbdåjda ja ietjasa árggabæjvváj gulluji, de giella jábmá, javllá Gælok.

  • Salmonella leavvan olles riikkas

    FHI dieđiha ahte salmonella lea leavvan Norgii. FHI diehtá ahte 31 olbmui lea njommon dávda. Golbmanuppelogis sis leat buohcceviesus leamašan dikšus.

    Salmonella dovdomearkkat sáhttet leat earet eará oaivebávččas, luhčadávda, čoavjebáččas ja moiddodeapmi.

    FHI muitala ahte eai vuos dieđe mii lea sivva dávdda leavvamii.