- Les saken på norsk: Kjendisene med samiske dobbeltgjengere
– Lei somá, fertejin reaškit. Mii vel suohttasat go muhtin navdá munno seamma olmmožin.
Muhto ferte gal iskat lea go sus juoigan-gena! Mun hástalan su juoiganduellii, mojohallá Buljo.
Nuorra Victoria Beckham
Mii gullat Elin Oskala jiena Jikŋon 2 -filmmas, mas neavttaša Anna. Mo son sutnje lea buohtastahttot Victoria Beckhamain?
– In leat dan gullan ovdal! Muhto dieđusge ádden, go lean gullan ahte sulastahttán Lily Collinsii. Eaba hal soai leat nu goabbatláganat oaidnit, lohká Oskal.
Sii leat buohkat čáhppesčalmmagat ja sevdnjesvuovttagat. Dán ferte juohkehaš ieš árvvoštallat.
Emil Karlsen ja Nils Aslak Valkeapää
Riddu Riđus 2019:s válljejuvvui son dan jagi nuorra artistan, ja sus lea dál váldorolla Beaivváš Sámi našunála teáhteris.
Son lea moddii gullan ahte sulastahttá duoddara Bob-Dylanii.
– Son lei stuorra ovdagovvan munnje. Jáhkkigoađán vel ahte doppe lea juoga mii stivre ahte smiehtakeahttá dagan su vuoiŋŋas dán, muitala Karlsen
Buohtastahtto Harry Potter-figuvrrain
Anders Nils Gaup, ovddeš Ihána prográmmajođiheaddji, guhte oidno NRK Sámi ođđa Youtube kanálas, Juŋkká, buohtastahtto Harry Potter-filmma Noldusain.
– Munnje lea rápmi buohtastahttot dákkár ráhkistuvvon karakterain, lohká Gaup.
Juŋká lea humorráidu mas geahččaladdat, leaikkastallat ja hástalat. Juŋkká sáhtát geahččat NRK TV:s ja Youtubas (olgguldas liŋkkat).
Ovddeš Lyon hárjeheaddji «juometbealle»
2019:s muitaluvvui ahte Frankriikkas lei olmmoš, gii hámi dáfus lei justa dego Guovdageainnu dievdu, Nils Peder Gaup. Ja Olympique Lyonnais -spáppačiekčanjoavkku ovddeš hárjeheaddji, Bruno Génésio, dat ledje cuigen sutnje “juometbeallen”.
Ja dalle go Gaup lei nuorra, de buohtastahttui gis neavttáriin Sylvester Stallonein, gii neavttašii “Rambo”. Danin leat su olu jagiid maiddái gohčodan Rambon.
Muittát go dán: