NRK Meny
Normal

Árvalit lasi ruđa sámi festiválaide

Norgga Sámediggeráđđi vuoruha 900 000 ruvnno sámi festiválaide ja girjjálašvuhtii boahtte jagi.

Sámi filmfestival
Foto: Brita Åse Norlemann

GULDAL: Sámediggeráđđi vuoruha sámi festiválaid

Dáid ruđaid áigot juohke jagi addit festiválaide.

Álkivuođa dihte

Dál ožžot fásta doarjaga mii maiddái galgá ollit artistamávssuide.

– Leat lasihan ná olu vai festiválalágideaddjit eai dárbbaš alo ohcat doarjagiid, ja vai mii eat ge dárbbaš diehttalas áššiid meannudit, dadjá sámediggeráđđelahttu, Vibeke Larsen.

Festiválat šaddet juohke jagi ohcat artistamávssuide doarjagiid. Dan eai dárbbaš šat jus ráđi árvalus dohkkehuvvo. Bušeahtta galgá meannuduvvot dievasčoahkkimis boahtte mánu.

Vibeke Larsen
Foto: Eilif Aslaksen / NRK

Márkomeannu ja Kárášjoga beassášfestivála ožžot bušeahttaárvalusas measta duppáliid eanet doarjaga Sámedikkis go diibmá ožžo.

Filbmafestivála giitevaš

Sámi Filbmafestivála Guovdageainnus lea vuohččan Sámedikki bušeahta árvalusas, ja dát addá sidjiide buoret bargodili lohká stivrajođiheaddji, Ann Irene Buljo:

- Mii leat hui giitevaččat go beassat bušehttii fárrui, ja 300 000 ruvnno han addá sihkarvuođa ahte sáhttit lágidit, ja maiddái sáhttit álkkit máksit sidjiide geaidda galgá bálká dáin doaluin, dadjá Buljo.

Girjjálašvuhtii maid eanet

Čáppagirjjálašvuhtii lea Sámediggeráđđi árvalan measta 30 proseantta unnit juolludeami boahtte jagi bušeahtas, muhto obbalaččat oažžu girjjálašvuohta 2 miljovnna ruvnno lasáhusa, muitala Sámediggeráđđelahttu, Vibeke Larsen: