Sápmi Music lea dál mátkoštišgoahtitmin Áilložiin, Iŋgor Ánte Áilluin, Áilo Gaup. Sápmi Music fállá musihkkáriidda ja artisttaide vejolašvuođa johtit konseartamátkiin ja dasalassin vel oažžut honorara mátkis.
Gii lea Áilloš
Áilu lea riegádan ja bajásšaddan johtisámibearrašis Guovdageainnus. Su vuosttaš čuojahanjoavku lei Ivnniguin, mii lei dovddusis joavku 30 jagi áigge.
Bargá neavttárin
1980 rájes lea Áilu bargan neavttárin Beaivváš Sámi Teahteris, gos ain lea.
Ođđa musihkka
Dál golbmalot jagi maŋŋil go su vuosttaš lávlagat ja luođit gullojedje, de gullogohtet Áilložis earalagan šuoŋat. Ieš muitala ođđa cd:s leat áibba eará šuoŋaid go su ovddeš musihkas.
Nuorra gitaristta maid čuojaha
Čuđegieddelaš Viktor Wilhelmsen čuojaha seamma konseartamátkis, ovdalgo Áilloš gorgŋe lávdái konsearttainnis. Wilhelmsen lea Čuđegiettis, Porsánggus eret ja studere dal musihka jazza linjjás Troandima Állaskuvllas.
Konseartamátki
Kolibri, Čáhcesullus 02.04. Lág.: Vadsø jazzklubb
Ofelaš, Kirkonjárggas 03.04
Ánár, Siida Musea 04.04, Lág.: Suoma Sámediggi
Storragoahti, Kárášjogas 05.04. Lág.: Sápmusikk
Studenthuset City, Álttas 06.04
