NRK Meny
Normal

Almmuha cd Durkkus

Sámi ártistta Johan Sara jr. lea guokte jagi geavahan gárvet iežas 3. cd. Dán cd gohčoda son "Mino/Mano". Ođđa cd:s lea musihka hápmejuvvon sámi ja Durkku/Tyrkia musihkas. Ja go almmuha iežas ođđa cd, de dahká dan Durkkus.

Johan Sara jr

Johan Sara jr

Foto: Eilif Aslaksen / NRK

Gula ášši

JohanSara Jr . muitala iežas lea leamaš olu Durkkus, danne go lea son šaddan johtit doppe dávddas dihtii. Durkkus son oahpásmuvai durkalaš musihkkáriiguin ja nu dat sattai sis ovttasbargu.

Musihka heivii bures ovttasstahttit

Su durkalaš usttit lei veahkkái lágidit dili nu ahte sii Durkkas sáhtte čuojahit ovttas musihka studios. Norggas son bijai vel dasa rumbbuid, ja gárvvistii buot, dál lea dát oktasaš cd dan muttos ahte das lea vel deaddilit musihka cd-skerrui..

Durkku álbmotmusihkka vuođđun

Johan Sara Jr . muitala durkku álbmotmusihkas gullojit maid sámi luohtešuoŋat. Danne son gávnnahii dán musihka heivet áibba bures musihkkašlájaide main songe berošta.