Interneahtas lea dál vejolaš oahppat juoigat, go dál leat sámit juoigan luđiid e-skuvllii. Dát lea de gávdnamisinterneahtas e-skuvlla vuolde. E-skuvlla jođiheaddji Jan Skoglund Paltto muitala dál leat buot olbmuin vejolašvuohta oahppat juoigat.
Vuosttas interáktiiva oahpahus juigamis
Dása leat gávcci juoigi juoigan luđiid, ja de leage sus gii dán gulla, sus lea vejolaš oahpahallat dáid mielde ja sáhttá maid dasa lasihit čuojanasaid. Davvi sámi luđiin dat dás lea sáhka.
CD-romma oasttit sáhttá
Jos interneahtas ii hálit oahpahallat, de lea vejolaš oasttit cd-romma ja dan geavahit go oahpahallá juoigat. E-skuvla áiggošii ná máilmmi álbmogii fállat vejolašvuođa oahppat davvi sámi luđiid.
Skuvllade jurddašuvvon
Álgo álggus ráhkadedje sii dán oahppanvejolašvuođa skuvllaide, vuođđoskuvlii ja joatkaskuvlii, muhto go interneahtas lea dát, de lea olles máilmmis vejolaš oahppat dás juoigat. Dál sáhttet váikke gos juoigagoahtit máilmmis, muitala Jan Skoglund Paltto.
Juoigá ádjá ja etno luođi
Gávccis dat juiget luđiid maid lea vejolaš gullat ja oahppat. Anne Berit Peltoperä lea okta sis, ja iežas muitala juoigat ádjás ja etnos luođi. Dáid juoigá son danne go dáid olbmuid son juoigamin muittaša.
Anne Berit Peltoperä
Foto: e-skuvla
