Hopp til innhold

–Sii vuvde oaggunkoarttaid 8000 euro ovddas

Suoma beale eanaoamasteaddji muitaluvvo leat vuovdán oaggunkoarttaid 8000 euro ovddas diibmá. – Dá leat dieđut maid lean ožžon luohttevaš olbmuin, dadjá Benn Larsen.

Laksefiskere på Tanaelva

DIENAS: Eanaoamasteaddjit leat vuovdán oaggunkoarttaid turisttaide.

Foto: Eilif Aslaksen / NRK

Deanučázádaga guolástanhálddahusa (DG) nubbijođiheaddji mielas eai berre dákkár vuogit dohkkehuvvot. Larsen oaivvilda ahte Deanu-soahpamuš mii heiveha luossabivddu Deanučázádagas sihke Norgga- ja Suoma beale rájá, ferte dárkkistuvvot ođđasit.

Larsen oaivvilda ahte Deanu-soahpamušas daddjo čielgasit ahte ii leat lohpi vuovdit oaggunkoarttaid earáide. Son diehtá vissásit ahte muhtin eanaoamasteaddji dinii 8000 euro diibmá. Dietnasa árvu lei 80 000 Norgga kruvnnu.

Larsen muitala maid ahte oaggunkoarttat vuvdojedje Suoma turisttaide.

Benn Larsen

LUOSSAHÁLDDAŠEADDJI: Benn Larsen lea nubbijođiheaddji Deanučázádaga guolástanhálddahusa.

Foto: Privat

Ii oktage Ohcejoga gielddas, gos NRK lea gulaskuddan, mieđit dahje duođaš dan maid Larsen diehtá. Dattetge leat Suoma guovddášeiseválddit mieđihan ahte priváhta olbmot leat vuovdán oaggunkoarttat earáide.

Loga: Professor: – Deanu soahpamuš rihkku olmmošvuoigatvuođaid

Norgga eiseválddit cuiggodit

Norgga Birasdepartemeanta lea cuiggodan aiddo dán. Muhtin breavas čállá departemeanta ahte dát rihkku Deanu-soahpamuša njuolggadusaid.

– Sin mielas lea buorre go Suoma eiseválddit leat dieđihan ahte dát galgá loahpahuvvot, čállá departemeanta.

Breavas deattuhuvvo maid ahte oaggunkoarta lea persovnnalaš dokumeanta man ii sáhte vuovdit earáide.

Geassemánu 15. beaivve álgiba Norga ja Suopma fas šiehtadallet.

– Sin mielas fertejit dárkkistit Suoma turisttaid bivdinvejolašvuođaid. Ođđa njuolggadusaid vuođul ožžo sii eanet bivdináiggi, ja dát ii leat vuoiggalaš báikki olbmuid hárrái, dadjá Benn Larsen.

Publisert Oppdatert

NRK Sápmi – davvisámegillii

Mer om: NRK Sápmi – davvisámegillii

Deanuluossa

Mer om: Deanuluossa

Mer fra NRK Sápmi

Korte nyheter

  • Ođđasat - Davvisámegillii

    Finnmárkku buohcceviessu háliida bisuhit DPS Deanu

    Finnmárkkubuohcceviessu HF ii doarjjo árvalusa heaittihit guovllupsykiátralaš guovddáža (DPS) Deanus ja sirdit dikšunsajiid Áltái. Nu mearriduvvui stivračoahkkimis Romssas duorastaga. Duogáš dasa lea go buohccit šattašit menddo guhkás johtit.

    Seammás Finnmárkkubuohcceviessu mieđiha leat dárbu rievdadit ja nannet psyhkalašdearvvašvuođa ja gárrendilledivššu fálaldagaid.

    HEAD-DPS-TANA
  • Nyhetssenter Troms og Finnmark

    Legger Digermulen vindkraftverk på is

    Finnmark Kraft og Fred. Olsen Renewables har besluttet å prioritere Laksefjorden vindkraftverk, mens arbeidet med Digermulen vindkraftverk stilles i bero.

    Det melder Finnmark Kraft i en pressemelding.

    – Vi retter nå fokus mot å videreutvikle Laksefjorden vindkraftverk, og dette inkluderer en tett dialog med grunneier, lokalsamfunn og andre rettighetshavere.

    Prosjektet er tenkt lokalisert på halvøya mellom Eidsfjorden og Mårøyfjorden i Lebesby kommune, og har et potensial på cirka 60–65 turbiner og en total installert kapasitet på inntil 450 Megawatt.

    – Vi har stor tro på at Laksefjorden vindkraftverk kan bli et verdifullt prosjekt for regionen. Prosjektet vil, ved å utnytte et areal som i stor grad allerede er regulert til vindkraftformål, gi store inntekter til Lebesby kommune, og en forbedret forsyningssikkerhet Nordkinnhalvøya.

  • Ođđasat - Davvisámegillii

    Čiekčá vuosttas geardde Sámi ovddas

    Guhtta joavkku servet dán gease Conifa nissončiekčamiidda Bodåddjos.

    Sámi nissonriikkajoavku lea okta favorihtain vuoitit dán gease CONIFA čiekčamiid. Sii oainnat vuite 2022 CONIFA nissončiekčamiid Indias mat ledje vuosttaš stuorát gilvvut.

    Jenny Marie Mannsverk lea okta dan 18 čiekčis váldon mielde ovddastit sámi nissonriikkajoavkku dán gease.

    Son ii leat ovdal čiekčan Sámi ovddas, ja lohká šaddat hui somá ja illuda dasa. – Mun lean maid hui giitevaš go dán vejolašvuođa dál oažžu, lohká Mannsverk.

    Jenny Marie Mannsverk, FA Sápmi
    Foto: Privat

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen