Suoma turisttaid luossabivdu Deanus sáhttá garrasit lassánit maŋŋá go báikki olbmot bággejuvvojit gáržžidit árbevirolaš bivdduset. Dan ballá Deanučázádaga luossabivdosearvvi jođiheaddji, Hartvik Hansen.
- Su ballu lea goittotge dat, ahte turistabivdu boahta lassánit ee. Rájánjárggas bajás, dokko gokko lea Deatnu rádján, Njuorggánis gitta Kárášjohkii. Ja vel vearrát lea, ahte guovllusuhkkit ja stággobivdit dáid guovvluin lea biddjon oalát gáddái, borgemánus eai sii beasa Deanuala, earet go beaivit, goas luossa ii dohppe, dadjá Hansen.
- Báikkálaččat gáddái
Su mielas Norgga guolástanhálddašeaddjit, nammalassii Deanučázádaga guolástanhálddahus, reŋgo suomabeale turisttaid, go leat mearridan gáržžidit norggabeale ássiid luossabivddu beroškeahttá maid Suopma dahká.
- Bivdu geahppánan muđuige
Muhto guolástanhálddahusa direktevra Hans-Erik Varsi ii jáhke suomabeale turisttabivddu dán geažil lassánit.
- Dan son ii gal jáhke ja sivvan lea dat, go guhkká leamaš juo sáhka das, goittot maŋimuš viđas čieža jahkkái, ahte Deanučázádagas lea menddo garra bivdodeaddu ja dan lea maid turistabivdit fuomášan ja eai leat šat nu viššalit boahtan Deanuala bivdit, go ovdal, čilge Varsi.
GULDAL: