Frå Villa Sales i Ålesund går mellom 70 og 80 prosent av laksesalet til USA. No håper dei éin tilsett i Boston skal bli til fleire.
– Aktiviteten har blitt så stor at vi ser på om vi skal etablere dotterselskap eller ei eiga avdeling, seier direktør Ove Thu i salsselskapet.
USA neststørst
Ein månad etter den russiske importstoppen av blant anna laks frå Noreg så har næringa ikkje opplevd noko krise. Sjølv om det meste av laksen som skulle bli selt til Russland har enda opp i europeiske land, trur analytikar Kolbjørn Giskeødegård at meir norsk laks framover vil bli sendt med fly til Amerika.
– Europa kjem til å ta det meste som normalt ville gått til Russland. USA vil verte det neststørste marknaden og Asia tredje størst, trur han.
- Les også:
- Les også:
Slepp Chile som konkurrent
Chile, som ikkje er ramma av importforbodet, får no opp mot dobbel pris for sin laks i Russland samanlikna med i USA. Det opnar for norsk laks på den amerikanske marknaden.
– Dersom chilenerane vel å nedprioritere den amerikanske marknaden, så er det andre gong på fem år at det skjer. Det betyr at det blir vanskelegare å kome tilbake og selje mykje chilensk laks på marknaden. Ein del vil ha fått smaken på norsk laks, og føretrekke han, trur Giskeødegård.
Men, dersom Russland opnar for import igjen, er det ikkje gitt at landet går tilbake til norsk laks når forbrukarane først har fått smaken på fisk frå andre land.
– Det er i tilfelle ein trussel mot etablerte handelsrelasjonar, seier analytikaren.
- Les også: