Geologar vurderer rasfaren på staden, etter nok eit ras i området tysdag kveld.
Må bruke bil
Stein Mo seier dei som bur ved den rasfarlege Oppdølsstranda må få bruke vegen.
- Vi kan ikkje bli innmura. Vi må få lov til å bevege oss. Vi må få lov til å køyre Oppdølsstranda. Ingen må få hindre oss i det, seier Stein Mo.
Mange vil køyre
Stein Mo trur det er mange som vil køyre denne vegstrekninga. Han er ikkje åleine om det, seier han.
- Ein ting er kva folk seier. Mange seier dei vil ha båt. Men eit stort fleirtal køyrer bil på Oppdølsstranda når det er ope. Du veit du tek ein risiko, men du er villig til å ta den risikoen. Ulempene ville vere så store om du berre må bruke båt, seier Mo.
Folkemøte
Onsdag kveld var det folkemøte på Ålvundeid. Stemninga på møtet gjekk i retning av at vegen må opnast, men at det må opprettast alternativ skyss sjøvegen.