Det var Kripos som tysdag kveld fanga opp truslane mot ein kvinneleg student ved Høgskulen i Volda på mobilappen Jodel. Dei sende umiddelbart informasjonen vidare til Møre og Romsdal politidistrikt som raskt spora opp kvar truslane var sendt frå.
I løpet av natta og onsdag morgon arresterte politiet tre menn tilknytt saka.
– Det er sjølvsagt veldig ubehageleg og svært negativt at noko slikt skjer. Vi tek det alvorleg og høyrer på det politiet kjem med, seier Karoline Strand, leiar for Studenttinget ved Høgskulen i Volda.
- Les også:
- Les også:
God informasjon
Dette er ikkje første gong Jodel har blitt brukt til å sende truslar. Mobilappen har mellom anna blitt brukt til å sende truslar mot skular fleire stadar i landet.
- Les også:
Strand fortel at saka har vore mykje omtalt blant studentane i Volda i dag.
– Det har nok vore dagens samtaleemne blant studentane og dei tilsette, men vi har fått god informasjon frå politiet heile vegen, seier ho.
Ho har ikkje inntrykk av at studentane har vore redde.
– Nei, eg trur heller dei synest det var ubehageleg, seier Strand.
Politiet gjennomførte tidlegare i dag ein omfattande operasjon for å sikre aktuelle bygg ved Høgskulen i Volda i samband med trusselen.
– Burde skulen ha vore stengt?
– Leiinga ved Høgskulen har hatt tett kontakt med politiet så eg stolar på at dei hadde stengt skulen dersom situasjonen var så alvorleg at det var nødvendig, seier Strand.