Høgsterett vil ikkje behandle ankesaka mot sorenskrivar Ole Ødegård. Det stadfestar informasjonsavdelinga til Høgsterett til NRK i dag. Ødegård vart først dømd i tingretten for å lyge for retten, men seinare frifunnen i lagmannsretten.
Tidleg i desember 2022 anka påtalemakta frifinninga til Høgsterett, men den vil no ikkje ta opp saka.
Påtalemakta ankar til Høgsterett etter at sorenskrivar Ole Ødegård blei frifunnen i lagmannsretten. Ødegård var tiltalt for løgn i retten og blei dømd til fengsel i tingretten. Lagmannsretten kom nyleg til motsett konklusjon.
Statsadvokat Benedikte Høgseth seier til NRK at anken omfattar både saksbehandlinga og lovbruken.
Advokat Halvard Helle, som representerer Ole Ødegård, seier at ingen av momenta som statsadvokaten trekkjer fram tilseier at saka skal behandlast av Høgsterett.
– Frivinninga er vel grunngitt og står støtt, seier han.
Statsadvokat Benedikte Høgseth er overraska over at sorenskrivar Ole Ødegård er frifunnen i lagmannsretten. Ho viser mellom anna til at han blei dømd i tingretten til 30 dagar i fengsel. Ho har førebels ikkje bestemt seg for om dommen skal ankast til Høgsterett.
Påtalemakta meiner Ødegård har snakka usant om forholdet til den tidlegare kjæresten sin. Fredag blei han frikjent av Gulating lagmannsrett.
Forsvarar Halvard Helle ber om at sorenskrivar Ole Ødegård på Nordmøre blir frifunnen. Helle meiner det ikkje kan bevisast at Ødegård snakka usant om forholdet til den tidlegare kjæresten, og iallefall ikkje at det var bevisst.
Tidlegare i dag la aktor ned påstand om fengsel i 45 dagar.
Ødegård blei dømd til fengsel i 30 dagar i tingretten. No skal Gulating lagmannsrett ta stilling til politiet sine bevis i saka, og det er venta dom seinare i haust.
Aktor ber om fengsel i 45 dagar for sorenskrivar Ole Ødegård. I prosedyren onsdag sa statsadvokat Benedikte Høgseth at Ødegård bevisst forklarte seg feil om forholdet til den tidlegare kjæresten. I tingretten i vår blei Ødegård dømt til fengsel i tre månader, men anka.
