Skatt 2019 i Møre og Romsdal

Dei rikaste har doble namn

Komikerfrue med millioninntekt

Bloggaren Marna Haugen, kjent som «Komikerfrue» hadde ei inntekt på 2,5 millionar kroner i fjor. Jørgine Vasstrand eller «Funkygine» tente 1,3 millionar kroner. Tale Maria Krohn Engvik, som er kjend som «Helsesista» tente ein million kroner, medan artisten Sigrid Raabe hadde ei inntekt på ca. 300.000 kroner i 2018. Ingrid Helene Håvik frå bandet Highasakite tente 1,2 millionar kroner.

Nesbø med stor formue

Forfattar Jo Nesbø frå Molde har ei formue på 276 millionar kroner og ei inntekt på nær 42 millionar kroner, viser skattelistene. Forfattar Edvard Hoem frå Fræna stod oppført med ei inntekt på 2,1 millionar kroner i fjor. Barnebokforfattar Maria Parr frå Vanylven hadde ei inntekt på 558 710 kroner, medan forfattar Trude Teige frå Herøy tente 1.210.003 kroner.

Halsebakk med størst inntekt

Roger Halsebakk (bildet) frå Ålesund er på inntektstoppen i Møre og Romsdal med ei inntekt på over 51 millionar kroner i 2018. Halsebakk har bygd opp brønnbåtselskapet Sølvtrans. På andreplass på lista er Ranveig Antonia Gjerde frå Gurskøy. Også ho er oppført med ei inntekt på 51 millionar kroner. Begge er på lista over dei 100 som tente mest i landet i fjor. Det er også Henry Magnar Husøy frå Aukra.

Weenas på formuetoppen

Sigmund Wenaas frå Måndalen er den som har størst formue i Møre og Romsdal, viser skattelistene. Han har ei formue på to milliardar kroner. Wenaasgruppen har sitt utspring i konfeksjonsbedrifta som blei etablert i Måndalen i 1931. Seinare har familien bygt seg opp på blant anna arbeidsklede og hotelleigedomar. Nummer to på formuetoppen er forretningsmannen Knut Trygve Flakk frå Ålesund. Han har ei formue på 829 millionar kroner.