Mange forslag til hurtigruteberging

Enkelte sender mail for å fortelje om sine forslag, medan andre ringjer for å engasjert fortelje om sine forslag.

Korleis meiner DU at hurtigruta Nordlys kan reddast? Skriv ditt forslag i kommentarfeltet under artikkelen.

Politiet vert ringt ned

Operasjonsleiar Johan Arnt Overøye i Sunnmøre politidistrikt kan bekrefte at det har kome inn mange idear.

– Her har blant anna kome inn forslag om å fylle livbåtane på andre sida av skipet med vatn, og feste vaierar på skipet.

Telefonane byrja å kome inn til politiet i natt, og har haldt fram utover dagen i dag.

– Det har vore veldig stor pågang! Noko som har vore veldig tid- og ressurskrevjande for dei som har vore på jobb, fortel Overøye.

Operasjonsleiaren fortel vidare at politiet i Ålesund konsekvent har avvist alle forslag.

– Årsaka til det er vi har proffe redningsmannskap på staden som tar rette val.

• Les også: Frykter «Nordlys» skal kantre i natt
• Les også: - Vant til å sjå den i full fart
• Les også: Full evakuering på hurtigruta

– Bruk jutesekkar!

Her er nokre av ideeane som har kome inn til NRK:

• Vil det vere muleg å bruke Supply skip t å buksere, eventuelt vinsje skipet i sikker stilling under rednings arbeidet?
  
• 1. Forsøk å dykke ned og dra ei stor tunnellmatte over holet. Den vil suge seg fast og tette skaden mellombels.
  
  2. Få inn ein snurpar. Dei har enorm pumpekapasitet!

• Ver snill å be redningsmannskapet / dykkarar bruke jutesekkar til å tette lekkasjen med frå utsida av skroget.

• Gi tips om å rekvirere store lekter, eller anna skip/lekter som må leggjast inn til babord side. Må kunne halde oppe Nordlys til den er tett og pumpa.
  
• Bruk ei kran!

Det siste forslaget er ei løysing som det ser ut til at reiarlaget, brannvesen og politi òg syntest var ei klok løysing. Ein kranbåt skal no vere på plass ved kaia i Ålesund. Så er det berre å avvente å sjå korleis det arbeidet går.