Sjå video: Kva skjer når det går eit ras frå Mannen?

På denne sida samlar vi alt du treng å vite om fjellet Mannen og det rasfarlege partiet best kjent som «Veslemannen».

Siste nytt om situasjonen ved Mannen kan du lese her:

Og alle saker skrive om fjellet kan du lese her:

Fakta om Mannen og Veslemannen:

• Mannen er eit fjell på 1294 meter over Horgheim i Rauma kommune i Romsdalen.
• Fjellpartiet er blant dei mest overvaka i landet, og er nøye kontrollert av geologar i Noregs vassdrags- og energidirektorat (NVE).
• Geologane kallar det ustabile fjellpartiet i Mannen for «Veslemannen». Dette er eit avgrensa område av fjellet.

• Veslemannen har eit volum på 120 000–180 000 kubikkmeter, det vil seie rundt éin prosent av det totale volumet av Mannen.
• Det siste året har den mest aktive delen av Veslemannen forskyve seg nesten tre meter. Totalt har det flytta seg sju meter dei siste fire åra.
• Eit ras frå Veslemannen kan råke noko busetnad, E-136 og Raumabanen. I framtida fryktar ein eit større fjellskred frå Mannen på inntil 20 million kubikkmeter. Dette området er ikkje i fare no, ifølgje NVE.
• I oktober 2014 varsla geologane at eit skred berre var timar unna. Men raset kom aldri.

• I september 2015 blei farenivået igjen heva til raudt. Det same skjedde også i august 2016 og oktober 2017.
• Dei elleve som bur under fjellet Mannen blir evakuert kvar gong farenivået blir heva til raudt. I tillegg innfører politiet innført ferdsels- og opphaldsforbod under Mannen. Raumabanen blir også stengt.

• I oktober 2017 forsøkte NVE fånyttes å pøse vatn på fjellet og på denne måten hjelpe fjellet å rase. I ettertid har dei bestemt seg for å ikkje prøve dette igjen.

• NVE har fleire gonger fått spørsmål om dei ikkje berre kan sprenge ned det rasfarlege partiet. NVE meiner det vil vere både risikofylt for mannskapa, og usikkert med tanke på konsekvensane for resten av fjellet.
• 10. august 2018 bestemte NVE seg for å heve farenivået til raudt for sjette gang. Dette som følgje av at hastigheita på rørslene var unormalt høge. Dagen etter blei farenivået nedjustert.
• Den 12. september 2018 vart farenivået igjen heva til raudt. Denne gongen gjekk det eit større ras, som er rekna som det største sidan 2014. Farenivået vart senka til gult tre dagar seinare.

• 9. oktober blei farenivået ved Mannen oppjustert til raudt for tiande gong sidan 2014, og for femte gong denne hausten.
• Fleire har spurt kvifor ein ikkje sprenger det rasfarlege partiet. Ekspertar meiner at å bruke dynamitt i det rasfarlege fjellpartiet ville vere risikofylt både for mannskapa, og usikkert med tanke på konsekvensane for resten av fjellpartiet. Meir om dette kan du lese her.