Fullbooka hotell før Jugendfest

Om lag ein månad før Jugendfest går av stabelen i Ålesund er det vanskeleg å finne ledige hotellrom i byen.

24000 var innom Jugendfest

I slutten av august er det igjen duka for Jugendfest i Ålesund. Fleire av sentrumshotella er allereie fullbooka.

Foto: Håvard Ketil Sporsheim / NRK

Fleire av sentrumshotella er allereie fullbooka festivalhelga i august.

Direktør for Clarion Collection Hotel Bryggen, Camilla Espeseth, fortel at det har vore fullt lenge.

– Vi er fullbooka den helga det er Jugendfest, og det har det allereie vore i ein og ein halv månad, seier Espeseth.

– Vi ser at folk følgjer med, og vi er veldig taksame for ting som skjer i byen slik at vi får mykje turistar til Ålesund, held ho fram.

Fleire arrangement same helga

Jugendfest er i år 21 og 22 august og fell saman med fotballarrangementet Hessacup. Det har ført til fullbooka hotell i Ålesund sentrum.

Hotelldirektør Camilla Espeseth

Direktør for Clarion Collection Hotel Bryggen, Camilla Espeseth,

Foto: Synnøve Hole / NRK

Espeseth fortel at det verkar som folk er flinke til å planlegge i god tid.

– Jugendfest har som regel vore den same helga kvart år. No er det ein fotballcup i tillegg som trekk mykje folk til byen, så eg trur folk veit at dei blir nøydd til å vere ute i god tid for å få rom, seier ho.

Kan framleis vere håp

Av dei ni sentrumshotella i Ålesund er det foreløpig berre Scandic Parken og Radisson Blue som har ledige rom att under Jugendfest.

Sven Erik Moe

Direktør ved Scandic Parken, Sven Erik Moe, fortel at dei foreløpig har få rom att.

Foto: Lena Stette Høyberg / NRK

Direktør ved Scandic Parken, Sven Erik Moe, fortel at dei foreløpig har få rom att, men at det likevel er håp for dei som endå ikkje har bestilt.

– Arrangementet er nesten ein månad fram i tid, og det er mykje som kan skje i løpet av den tida, seier Moe.

– Det kan fort kome avbestillingar like før, så dersom ein ønskjer rom i Ålesund den helga er det viktig å følgje med. Det er alltid moglegheiter, held han fram.

Siste video/lyd

Avisene bur seg på nok ei helg der folk ikkje får avisa si.
Tidens Krav i Kristiansund set inn ekstratiltak for å kunne å nå ut til alle med laurdagsavisa.
Arbeidsledigheten blant ingeniørene mer en doblet i Møre og Romsdal på ett år.
Skoleelever slår til med annerledes julekalender. Det handler ikke om å få, men å gi til de som trenger det.