NRK Meny
Normal

Spontanbooking er den nye trenden

Reiselivet i Noreg opplever ein klar ny trend med at reisande bestiller overnatting på impuls.

Michael Heldre

Michael Heldre er leiar i Booking.com Noreg

Foto: Gunnar Sandvik / NRK

Artikkelen er mer enn to år gammel.

At den reisande bestiller hotellrom i god tid i førvegen er kanskje det reiselivet har vore vande med. No må dei snu seg rundt fortare og henge med i svingane. Yngre folk bookar gjerne ikkje hotellrom før same dag. Det er ein ny trend, seier Michael Heldre. Han er leiar i firmaet Booking.com Noreg, som driv med hotellbooking på nett.

– Fleire og fleire vil dra på reise utan å ha bestilt hotell. Dei tar opp telefonen sin medan dei køyrer oppover E39 og søker på overnattingsmoglegheiter, seier Heldre.

I hans firma ser dei at stadig fleire bookar overnatting same dag medan dei er på reise.

LES OGSÅ:

Yngre er impulsive

– Det er spesielt den yngre generasjonen, milleniumsgenerasjonen, som gjer det slik, seier Heldre.

For reiselivsnæringa betyr det at dei må tilpasse seg spontane kundar og vere til stades på nett der bestillingane kjem inn. Det set også tøffare krav til bransjen. Dei må også vere meir spontane og reagere raskt.

– Det er ikkje alltid vi ynskjer at det skal vere slik. Det er lettare at gjesten har bestilt eit år i førevegen, men vi må akseptere at gjesten vil booke rom same dag, seier Heldre. Han meiner at denne spontantbookinga ikkje gjeld berre i store byar, men også ute i distrikta.

Går ikkje over

Roar Hersvik

Roar Harsvik i Visit Nordmøre & Romsdal seier spontane bookingar gir nye utfordringar for reiselivet.

Foto: Gunnar Sandvik / NRK

Reiselivsdirektør Roar Harsvik i Visit Nordmøre & Romsdal seier dei bur seg på fleire spontanbestillingar.

– Det er klart at det gir nye utfordringar når bookingane kjem inn seinare enn før. Det handlar om å vere framoverlent og ikkje sitje på gjerdet og vente på at det skal gå over. Det er kundane som styrer dette, seier Harsvik.

Siste video/lyd

Innbyggerne på Kleive i Molde kommune frykter ulykker, og kjemper for å få revet ei falleferdig brygge. Kommunen sier det ikke er deres ansvar.
I dag var entreprenørar på synfaring på traseen for Nordøyvegen. Statens vegvesen har utlyst dei første kontraktane, og interessa er stor.
Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.