– Det er snakk om mange millionar falske profilar verda over, seier Tone Hoddø Bakkås, seniorrådgjevar i Norsk senter for informasjonssikring (NorSiS).
ID-svindel, der nokon gir seg ut for å vere nokon andre enn dei, har eksplodert dei siste åra.
– Men kven det er som etablerer slike kontoar og kvifor, veit vi i grunnen ikkje så mykje om. Vi har rett og slett ikkje kunnskap om alle som gjer slikt, legg ho til.
- Les også:
Ingen er trygge
Ingen kan føle seg heilt sikre for at deira namn eller bilde ikkje blir misbrukt.
– Det er ekkelt når slikt skjer. Vi hadde ei sak for ikkje så lenge sidan i Oppland, der ei kvinne vart utsett at bilda hennar vart stelte. Det vart ikkje berre etablert Facebook-konto, men også på datingtenester og andre meir lugubre tenester, fortel Bakkås.
- Les også:
NorSIS driftar tenesta Slettmeg.no (sjå faktaboks til høgre) og har fått hundrevis av tilbakemeldingar på ulike type falske profilar.
– Det er viktig å rapportere slike profilar. Selskap som Facebook har eit veldig godt regime for det, og tek slike ting på alvor, seier seniorrådgjevaren.
- Les også:
Spreier spam og reklame
Falske profilbrukararar har som regel eitt av to mål for augo – å påføre andre ulemper eller å oppnå økonomisk gevinst. På Facebook har det også begynt å gro fram fleire som misbrukar nettenesta for reklameføremål.
– Facebook lever av reklame. Om det er mange som får førespurnadar frå fleire ukjende profilar, som har til felles at dei likar ei bestemt reklame, så kan den som reklamerer tene meir pengar, seier Bakkås og understrekar at dette er ein måte å jobbe på som er lite granska i Noreg.
- Les også:
Same kva som er intensjonen bak den falske profilen, oppmodar Bakkås folk til vere bevisste på kven ein aksepterer på ven.
– Det er også lov å fjerne vennar og rydde opp. Det er dessutan lurt å vurdere kva du legg ut og opprette tilgangsgrupper slik at du er bevisst på kva du deler med kven, seier ho. – Informasjonen kan trass alt misbrukast av uvedkommande, legg ho til.
– Treng ikkje vere farleg
– Mange synest det er gjævt å kunne vise til mange Facebook-vennar. Er det så farleg å akseptere ein venn du ikkje veit kven er?
– Ikkje i seg sjølv. Etter kvart har folk fått så mange vennar at sjølv om ein har éin eller tre falske vennar, så har det ikkje nødvendigvis så mykje å seie. For den som kan takle at det at det kjem litt spam frå den eine falske kontoen, så er det kanskje ikkje så alvorleg.
– Men dersom ein falsk profil prøver å knyte seg til deg som ein venn, er det grunn til vere skeptisk. Det kan trass alt kan vere at den falske profilen har stelt bildet frå ein ekte person sjølv om namnet ikkje er det rette, avsluttar ho.
- Les også: