Helseminister Bent Høie skal også forklare seg i den opne høyringa om sjukehusstriden i Møre og Romsdal.
Foto: Vegard Lilleås / NRKUnder den opne høyringa i Stortinget i dag sa Bernt at han meiner Høie ikkje hadde høve til å gripe inn på ein slik måte. På spørsmål frå komiteleiar Martin Kolberg frå Arbeidarpartiet sa Bernt at dette er brot på lova.
– Ja, etter mi oppfatting var dette eit klart brot på lova. Høie sine svar på dette viser at han han har ei forståing av lova som eg opplever som problematisk.
Tidlegare styreleiar i Helse Midt-Norge og tidlegare administrerande direktøre Trond M. Andersen då han blei tilsett i stillinga.
Foto: Helse MidtHøie har tidlegare sagt at han ba tidlegare styreleiar Marthe Styve Holte sparke direktøren etter eit varslingsbrev frå dei tillitsvalde. Styve Holte trekte seg frå stillinga si fordi ho meinte ho blei overstyrt. Administrerande direktør Trond M. Andersen trekte seg også frå si stilling få dagar seinare.
- Les også:
På spørsmål frå SV sin representant gjentok Bernt at Høie gjekk ut over fullmaktene sine når avskjedsprosessen ikkje gjekk via styret.
– Ja, eg opplever statsråden si innblanding som eit klart lovbrot.
Han seier han opplever at Høie har hatt ei dårleg forståing av rolla si og korleis han har høve til å utøve denne.
