Dansk and

I Danmark er and ein del av juletradisjonane. Stekt and blir servert med raudkål, brun saus og det danskane kallar brunede kartofler. Ingrid Espelid Hovig har vore på besøk hos danske Kirsten Askheim.


Følg NRK mat på Pinterest

Slik gjør du

Vask og tørk anda godt både inni og utanpå. Plukk bort eventuelle fjørpiggar.

Gni anda godt med salt og pepar inni, og lett med salt utanpå.

Skrell epla, del dei i fire og skjer bort kjernehuset. Fyll anda godt full med eplebåtar og steinfrie svisker. Fest saman opninga nede med kjøtnåler, eller sy saman med bomullstråd. Sy også igjen halsopninga.

Legg anda i ei lita langpanne eller stor eldfast form. Set den på nedste rille i steikjeomnen, forvarma til 175 grader. La anda steike i cirka ein halv time, til den har fått ein ganske lys brun farge. Hell cirka 1,5 desiliter av buljongen over anda. La så anda steikje vidare i cirka to timar. Hell resten av buljongen over i to omgangar, med ein halv times mellomrom. Ta anda ut og hell sjyen av. La så anda steikje vidare i 10-15 minutt til den har fått fin brun farge og sprøtt skinn. For at det ikkje skal renne ut for mykje saft, bør anda kvile i cirka ti minutt før den skal skjerast opp. Kok kraft på hals, krås og hjarte mens anda steiker. (Sjå framgangsmåte lenger nede.)

Klipp rundt brystet slik at det kan løftast av som eit lokk, og del det i pene stykkje. Legg det tilbake oppå fyllet. Del låra frå i hofteleddet.

Dansk juleand skal pyntast med krans av gran og danske flagg.

Kraft til sausen

Vask hals, krås og hjarte godt. Prøv å få bort hinna som sit igjen inni kråsen på djupfryst and. Del kråsen i små bitar, kløyv hjarta i to og hogg halsen i mindre bitar. Brun innmaten godt i smør eller margarin i ei steikjepanne eller gryte. Fyll vatn i så det står over, kok opp og skum godt, og la krafta koke vidare til anda er steikt. Sil krafta og skum av så mykje feitt som mogeleg. Skum også av feittet på sjyen frå langpanna. Bruk kraft og sjy til saus.

Tips

Bent Stiansen har gode oppskrifter på dansk tilbehør til and.

Kilde: Kirsten Askheim og Ingrid Espelid Hovig i Fjernsynskjøkkenet 1995