Lenge før opningstid har det tetta seg til framfor døra til Ålesunds einaste spesialbutikk for kjøtmat.
Siste sjanse
Ein av dei som stilte seg opp utanfor Hole Kjøtt for å sikre seg julemiddagen, fredag, var Eldar Vindvik.
– Det er siste sjanse for å få den ferdig til julaftan. Eg var her i går også, men då var det tomt, fortel han.
Det er mogleg å få tak i kjøtmat mange stader, men til jul er det mange som aller helst vil bruke nisjebutikken i Ålesund sentrum.
Då dei starta opp for over 30 år sidan, var dei spente på om det var rom for ein slik butikk, men det har det vist seg å vere. Spesielt i julestria.
Kva skal du ha til julemiddag?
Fire i Møre og Romsdal
Hole Kjøtt er ein av fire spesialbutikkar for kjøtmat i Møre og Romsdal. Dei andre ligg i Ulstein, Sula og Kristiansund.
I Ålesund er 14 tilsette i sving. Og dagen startar klokka 5 for å bli ferdige til kundane strøymer inn døra ved opningstid.
Noko blir dei utselt for, men stort sett klarer dei å produsere opp igjen det kundane vil ha.
– Det er hektisk kvar dag fram mot jul, seier ekspeditør Johannes Davidsen medan han pakkar inn og prisar kjøt.