Det var bluesbandet som tok publikum med storm denne kvelden, men a capella-gruppa var og så godt likt at dei fekk og ein plass i semifinalen.
- Heilt fantastisk! Vi hadde ei god kjensle, men dette er heilt fantastisk, fortel Rune Ellertsen som er frontfigur i gruppa Hard Bargain Band.
Av dommarane, publikum og folk heime med telefonen fekk Hard Bargain Band heile 59 800 kroner med seg tilbake tilbake til Rogaland.
Songen "Outside my door" som Rune sjølv har laga gjekk rett heim hos mange denne laurdagskvelden.
Gjestedommar Rita Eriksen sa dette etter at ho hadde hørt bluesbandet spele.
- Dette fekk mitt blueshjarte til å bruse!
Vant først Nettsjansen
På torsdag blei det avgjort kven som vant , der sjangeren var blues.
Og det var jubel i stova til Hard Bargain Band då dei fekk vite at dei var vidare til Kjempesjansen.
- Vi var faktisk meir nervøse for avsteminga på torsdag, enn vi var i dag, fortel Rune, utan heilt å vite kvifor.
Lykkeleg-Pitsj
- Det er så gøy at vi skal få synge ein gong til! No skal vi ut å feire, men ført må vi svelge dette, for det har ikkje gått heilt opp for oss endå, sa fem lykklege jenter rett etter programmet.
Pitsj-jentene stakk av med heile 54 300 kroner, og draumen om lydanlegg er ikkje like langt unna som tidlegare.
- Då får vi jo kanskje eit bra lydanlegg!
Mykje pengar
Det blei delt ut heile 229 900 kroner denne laurdagen, og pengane blei fordelt slik:
Hard Bargain Band: 59 800 kroner
Pitsj: 54 300 kroner
Fride Fredrikke: 39 000 kroner
SlinCraze: 37 800 kroner
Ingrid og Yngve: 36 000 kroner
Neste laurdag er det fem nye som skal få sin kjempesjanse, her får du litt hjelp til korleis du stemmer på dei.
