God hjelp
Det var stor jubel i Egersund i då bandet på torsdagskveld fekk beskjed om å pakke kofferten og ta turen til studio i Oslo.
- Vi var veldig spent rett før vi fekk telefonen om at vi var vidare, fortel Rune Ellertsen som er frontfigur i gruppa.
Heldigvis var det ein positiv telefon gutane fekk.
- Vi blei utruleg glade, det blei jubel i stova.
Mange stemmer
Alle tre bluesgruppene hadde fått mykje stemmer, men det var bluesgruppa Hard Bargain Band som stakk av med flest av desse stemmene. Dei er på laurdag klare til å spele og synge nydeleg blues for oss.
Det er mange forskjellege konkurrentar Hard Bargain band skal møte på laurdag, men ikkje nok med at dei er forskjellege dei er og utruleg flinke.
Bluesbandet frå Egersund skal treffe vokalgruppa Pitsj, cellisten Frida Fredrikke, duoen Ingrid og Yngve som syng opera og sist men ikkje minst den samiske raparen SlinCraze.
- Det er jo heilt forskjellege stilartar, noko som er ein bra ting. Eg har ei kjensle av at vi kan kome vidare, men eg håpar ikkje for mykje fortel ein lykkeleg og spent Rune Ellertsen.
Mobilisering
Grunnen til at Hard Bargain Band fekk så mange stemmer er nok fordi folk likar musikken deira, men og fordi dei har vore flinke til å mobilisere lokalsamfunnet sitt.
- Vi hare fått ei utruleg støtte frå blues-Norge, lokalaviser, lokal-TV og så har vi hatt konsertar der vi har nemnt at vi er med på Nettsjansen. Då har folk tatt fram mobilane og stemt på oss, fortel Rune.
No er bluesbandet klare til å underhalde oss frå Kjempesjansen-scena på laurdag klokka 20.20 på NRK1.
