Når Pitsj skal synge for oss på laurdag er det eit medley dei skal synge (Tanta til Beate, Rykte forteller og Voi voi). Men allereie no kan du høyre jentene sin vakre song på der framfører dei "Telefon" av Jan Eggum.
Bannlyst
Endå gruppa ikkje blei starta før i 1999 har jentene sunge lenge.
- Alle i gruppa har sunge heile livet. Vi har sunge i kor frå vi var born, og alltid sunge mykje heime med familiane våre.
Det er song jentene kan, verkeleg kan, andre instrument har fort blitt forkasta.
- Songen er vårt hovudinstrument, i ei vokalgruppe er sjølvsagt alle andre instrument bannlyst.
Seint ute
Tenk deg fem jenter som skal vere på eit bestemt sted til ei bestemt tid, det kan ikkje gå bra, og det gjer det sjeldan for Pitsj.
- Vi er alltid seint ute, stressar ekstremt rett før vi skal opptre. Er gjerne i bilkø når vi skal vere på lydsjekk, sminkar oss medan vi øver og lagar settlister.
Men det nok ikkje det som tek lengst tid for jentene.
- Vi har med cirka 50 antrekk kvar fordi vi ikkje klarer å bestemme oss for kva vi skal ha på oss før fem minutt før konserten. Pitsj er jentene som alltid har dårleg tid!
Store sjansar
Noko av det mest spennande jentene har opplevd var då dei var i Stockholm og fekk kome i studioet til The Real Group å spele inn plate.
- Det var som ein draum som vi aldri ville håpa på, men så skjedde det! Vi er utruleg takksame for den sjansen, og no får vi jo ein til, ein Kjempesjanse seier jentene med eit smil.
Kva vil dei bruke pengane dei vinn til:
- Vi vil reise til USA, det viktigaste landet i verda når det gjeld vokalmusikk.
På gøy med Pitsj:
Kva er det mest ”nerdete” ved dykk?
- Vi er verkeleg nerdete. det er så mange i Pitsj med lang musikkutdanning at vi snakkar italiensk på øving. Som for eksempel: ”Ane, det skal faktisk vere ritardando her! Ma non troppo!”
Kva er det mest idiotiske kjøpet de har gjort?
- Vi kjøpte nokre heilt forferdelege toppar på den tida Anine var gravid. Problemet var at alle vi andre og såg gravide ut.
