NRK Meny
Normal

Ullmann mista storroller til Meryl Streep

Liv Ullmann var aktuell for hovudroller i to Oscar-vinnande storfilmar på 80-talet. I staden gjekk rollene til Meryl Streep.

Liv Ullmann snakkar om at ho kunne ha spelt i "Sofies valg" og "Mitt Afrika".

GLAPP: Liv Ullmann var aktuell for både «Mitt Afrika» og «Sofies valg», men i begge falla gjekk rolla til Meryl Streep.

Liv Ullmann og Henry Kissinger 1973

Liv Ullmann saman med Henry Kissinger på veg til fest for å heidre regissør John Ford i 1973.

Foto: Ap

Når Liv Ullmann gjestar sesongpremieren av «I Larsens leilegheit» i kveld, snakkar ho blant anna om tida som skodespelar i Hollywood.

Ullmann blei oppdaga av Hollywood i 1972 etter at ho hadde spelt hovudrolla i filmane «Utvandrerne» og «Nybyggerne» av Jan Troell. Ho kom blant anna på framsida til Time Magazine, kalla den nye nordiske stjerna i Hollywood.

Ingen amerikansk suksess

Ho spelte i fleire amerikanske filmar, men den store suksessen uteblei. Men det skuldast ikkje dårlege val, seier Ullmann i programmet.

– Eg har hatt mange merkelege fiaskoar i filmar eg aldri skulle ha vore med i. Men eg gjorde ikkje dårlege val. Eg fekk for mange tilbod. Alle spurte, og vi sa ja til for mykje.

Meryl Streep

Meryl Streep spelte to hovudroller som først var tiltenkt Liv Ullmann.

Foto: Matt Sayles / Ap

Ein film Ullmann kunne ha spelt i, var «Sofies val» frå 1982. Men ting tok litt for lang tid, og til slutt sa regissør Alan J. Pakula at han syntest Ullmann ikkje hadde rett alder for rolla lenger. I staden gjekk rolla til Meryl Streep, som vann Oscar for innsatsen.

Og i 1985 kunne Ullmann spelt hovudrolla i filmen «Mitt Afrika», basert på sjølvbiografien til den danske forfattaren Karen Blixen. Men også denne gongen gjekk rolla til Meryl Streep.

– Men denne gongen handla det vel ikkje så mykje om alder. Det var andre som blei valde ut til å spele i filmen.

Ei siste filmrolle

Dei seinare åra har Ullmann jobba mest som regissør for film og teater. For tida er ho aktuell på Nationaltheatret med teaterframsyninga «Fortrolige samtaler», som også skal ut på turné med Riksteatret. Men Ullmann kunne godt tenke seg ei siste filmrolle før ho gir seg heilt.

– Det einaste eg kunne tenke å gjere no er å spele i film ein gong til. Men om det ikkje skulle skje, så er det greitt for meg. Eg har fått alt, og eg kan bruke livet mitt til å gjere andre ting enn å vere skodespelar eller regissør. Kanskje eg kan smake litt meir på det?

Fotos: ©2012 TOM TRAMBOW Projekt: "ZWEI LEBEN_TO LIV"

«To liv» frå 2012 var sist gong Liv Ullmann spelte i ein film.

Foto: TOM TRAMBOW

Kulturstrøm

  • Sterkt om Nina Simone

    Nosizwe Baqwa gjør en sterk tolkning av Nina Simones dramatiske liv i forestillingen «I am Nina», som har gått i flere runder på Nordic Black Theatre i Oslo. Nå sist under Oslo jazzfestival. Her er hun hos oss i NRK og legger igjen en musikalsk perle til oss alle.

  • Aurora i svært god form.

    Lekenheten og bruken av hele Auroras feilfrie vokalspekter gjør «Forgotten Love» til et mer definerende og fascinerende «comeback» enn forrige singel, mener P3s anmelder. Terningkast 5.

    Aurora
    Foto: Ketil Mosnes
  • Dansk nasjonalpoet er død

    Benny Andersen er i Norge er mest kjent for sitt samarbeid med sangeren Povl Dissing. Deres vise «Svantes lykkelige dag (om lidt er kaffen klar)» var en monsterhit i Norge. Benny Andersen fikk sitt folkelige gjennombrudd med diktsamlingen og platen Svantes viser i 1972. Han er en høyt elsket nasjonalskald, og utgivelsen av hans samlede dikt i 1998 slo alle rekorder for diktutgivelser. (NTB)

    Benny Andersen er død.
    Foto: Liselotte Sabroe/ritzau Scanpix / NTB scanpix