I år som i fjor klarte folk på Svalbard å samle inn over éin million kroner til TV-aksjonen «Barn, ikkje brud» i regi av Plan Noreg.
– Det er jo det at vi har det så gøy. Stasen er jo at folk føler at dei får like mykje tilbake som det dei gir, seier Anne Lise Klungseth Sandvik på telefon frå Longyearbyen.
Ho har på mange måtar stått i spissen for at TV-aksjonen kvart år nærast er ei høgtid i lokalsamfunnet i Longyearbyen.
Kvart år samlar folk seg på skulen i byen.
– Det er ein festdag på skulen. Det var ein unge som sa at TV-aksjonen er mykje meir gøy enn 17. Mai. TV-aksjonsdagen er ein dag som folk gler seg til, både unge og vaksne, fortel Sandvik.
GJEVARGLEDE: Anne Lise Klungseth Sandvik har budd på Svalbard i mange år og var med på å lage grunnlaget for suksessen TV-aksjonen har hatt der.
Foto: NRKFor dei ansvarlege for TV-aksjonen var det stort å sjå at totaltalet no har bikka 243 millionar kroner.
– Dette er helt vilt, det er ei veldig viktig sak, og eg må seie på vegne for alle vi skal gjere ein forskjell for: «Tusen takk!», seier Partapuoli i Plan International Noreg til NRK.
- Vestlandsfylka Rogaland og Vestland som har gitt mest per innbyggjar med 54,78 kroner, lågast er Viken med 38,21 kroner per innbyggjar.
- Svalbard er som vanleg den kommunen som har gitt mest med 564 kroner per innbyggjar.
- Regjeringa er den størst enkeltgjevaren med 50 millionar, deretter kjem P3-aksjonen med 8,4 millionar og Norsk Hydro med 1,2 millionar kroner.
JUBEL: Her jublar programleiarane Robert Stoltenberg, Anne Rimmen, Christian strand, statsminister Jonas Garh Støre med fleire over totalbeløpet som vart samla inn.
Foto: Astrid Hexeberg / Plan International NorgeI år går inntektene til Plans arbeid for å overvinne barneekteskap i Malawi, Niger, Mali, Nepal og Bangladesh.
– I dei landa TV-aksjonen skal gå til har fattigdommen auka og færre barn går på skulen. Nettopp fattigdom og mangel på skuletilgang er to av årsakene til at barneekteskap framleis finst, sa Partapuoli da innsamlingsaksjonen starta søndag.
Etter sendinga søndag kveld kunne generalsekretæren sleppe jubelen laust:
– Med denne inntekta kan vi gjere så mykje. Dette betyr så mykje, sa ho til NRK.
Sjekk kor mykje kommunen din har gitt så langt her.
Årets TV-aksjon går til å overvinne barneekteskap i Malawi, Niger, Mali, Nepal og Bangladesh.
Det vil framleis bli registrert bidrag dagane som kjem.
