Hopp til innhold

Trakassering er ein del av gaming­kvardagen: – Fått høyre at eg er ei hore

Trakassering mot kvinner har vorte «norma» i gaming, seier forskar. Lite har betra seg dei siste åra.

En kvinne sitter med hodetelefoner og ser mot en skjerm hvor hun spiller dataspill.

Det er tøft å vere kvinne i gaming. Dette er eit illustrasjonsbilete.

Foto: Colourbox

– Eg har fått høyre at eg er ei hore, at eg er stygg og at eg ikkje har noko å gjere med å game.

Det seier Madelene Johnsen (24) – eller «dishwasher», som er hennar gamingalias.

Kvifor oppvaskmaskin, lurer du kanskje på?

Det speler på ideen om at kvinner skal stelle på kjøkkenet – ikkje skyte i Counterstrike.

Det er ein av sleng­merknadene Madelene ofte får av framande med- og motspelarar i spelverda.

– Også har det vore mykje seksuell trakassering, der dei nemner valdtekt, legg ho til.

Madelene Johnsen

Madelene Johnsen frå Sandefjord speler Counterstrike kvar dag. Ho opplever mykje hets.

Foto: Privat

– Ein ukultur

– Ni av ti kommentarar er relaterte til at eg er kvinne, anslår Madelene.

Dette er ikkje noko nytt – men lite har skjedd.

Fleire undersøkingar viser at trakassering har vorte meir normalt i spelverda, og at jentene fell frå.

I ei undersøking frå Storbritannia kjem det fram at nesten halvparten av kvinnelege gamarar har vorte utsette for trakassering under speling.

I aldersgruppa 18 til 24 gjeld det 75 prosent.

– Alle opplever det, men kvinner får det på bakgrunn av at dei er kvinner, seier gamingforskar Beate Hygen om hetsen.

– Vil du kalle det ein ukultur?

– Absolutt. Det har vorte norma, at «sånn er det berre».

Forsker Beate Wold Hygen ved NTNU

Beate Hygen ved NTNU forklarer at trakassering er normalisert i spelverda.

Foto: Privat

– Ein av fire kvinner unngår multiplayer-spill. Veldig mange speler under mannlege alias og utan mikrofon, seier Hygen.

– Men er ein med på leiken, må ein tole steiken. Eller?

– Heile elleve prosent som blir utsette for dette, har fått depressive eller suicidale tankar. Så dette er ikkje noko alle toler.

CounterStrike: Source - de_train

Madelene sitt favorittspel Counterstrike.

Foto: Valve

– Rapportering er ikkje nok

Madelen har opplevd hets i spelverda i alle åra ho har vore gamar.

Så kvifor har det ikkje skjedd noko?

– Godt spørsmål, seier Mari Velsand, direktør i Medietilsynet.

Medietilsynets direktør Mari Velsand

Mari Velsand frå Medietilsynet.

Foto: Mathias Fossum

Velsand meiner foreldre har eit stort ansvar.

– Snakk med barna om kva det er greitt å gjere i spel, seier ho.

NRKs spelekspert Rune Fjeld Olsen meiner spelbransjen må ta ein del av ansvaret.

– Dette er også litt kroner og øre, trur han.

– Når det har etablert seg at det er sånn ting er, så vil alle endringar skape reaksjonar frå ei stor gruppe sinte gamarar, som føler at verda deira er under angrep, seier han.

– Vi ser at blokkering og rapportering til spelselskapa ikkje er nok, seier Beate Våje, også frå Medietilsynet.

Vil slette den dårlege utviklinga

Medietilsynet sitt nye initiativ heiter «CTRLZ», og er ein YouTube-dokumentar om hets i spelverda.

– Eg vart med fordi eg synest det er viktig å snakke om, seier Julie Strømstad Stårvik.

Julie Strømstad Stårvik, gamer som er en av initiativtakerne bak kvinnenettverket Pushy Cat Dolls.

Julie Strømstad Stårvik er med i den nye serien «CTRLZ».

Foto: Gry Eirin Skjelbred

I serien fortel ho om initiativet Pushy Cat Dolls – ei gruppe for Call of Duty-spelarar som vil unngå trakassering frå menn.

– Viss det var kva som helst annan idrett, hadde ein ikkje godteke at det stod folk på sidelinja og ropte heilt forferdelege ting, seier Stårvik.

Nettverket Pushy Cat Dolls for bare kvinner på spillet Call of Duty.

Det har vorte oppretta fleire gaminggrupper for kvinner og ikkje-binære på grunn av all hetsen.

Foto: Gry Eirin Skjelbred

Gamingforskaren Hygen trur problemet vil ta lang tid å løyse:

– Det er ein kultur som har fått sett seg.

Kulturstrøm

  • Martin Scorsese fikk æres-Gullbjørn i Berlin

    Mesterregissøren Martin Scorsese (81) uttrykte optimisme for filmens fremtid da han fikk en Æres-Gullbjørn i Berlin tirsdag kveld.

    – Jeg tror ikke den er i ferd med å dø … den transformerer seg. Den var aldri ment å være én ting, sa Scorsese, som også formante til ikke å frykte teknologien:

    – Den individuelle stemmen kan uttrykke seg selv på Tiktok eller i en fire timers film eller en to timer lang miniserie.

    Martin Scorsese har fått nye og unge fans takket være sin medvirkning i regissørdatteren Francescas lekne filmsnutter på Tiktok, skriver NTB.

  • Chile gjenåpner etterforskningen av Pablo Nerudas død

    Chile skal nok en gang forsøke å løse mysteriet rundt nasjonaldikteren Pablo Nerudas død, har en domstol i landet besluttet. Det skriver NTB.

    Neruda, som fikk nobelprisen i litteratur i 1971, døde tolv dager etter militærkuppet der landets folkevalgte president Salvador Allende ble styrtet og en militærjunta under ledelse av general Augusto Pinochet overtok makten.

    Den offisielle dødsårsaken var prostatakreft, men Nerudas sjåfør og assistent Manuel Araya fortalte mange år senere at forfatteren fikk en mistenkelig sprøyte i brystkassen rett før han døde.