Stephen King hyller «norsk» Hollywood-skrekk

I morgon har den norskregisserte filmen «The Autopsy of Jane Doe» Norges-premiere.

«The Autopsy of Jane Doe»

PATOLOGAR: Brian Cox og Emile Hirsch speler hovudrollene i filmen «The Autopsy of Jane Doe».

Foto: SF Norge

Regissøren bak den norske suksessfilmen «Trolljegeren» André Øvredal er nå aktuell med filmen «The Autopsy of Jane Doe» med Emile Hirsch og Brian Cox i hovudrollene.

Filmen hadde USA-premiere 21. desember og på Twitter florerer det av lovord om filmen.

LES OGSÅ: The Autopsy of Jane Doe « NRK Filmpolitiet - alt om film, spill og tv-serier

Sist ut er den amerikanske forfattaren Stephen King, som lovprisar filmen. Han kallar det ein «visceral horror», som best kan omsetjast til motbydeleg skrekk. King meiner den norsk-regisserte filmen er ein rival til «Alien», som var ein megasuksess då den kom 1979, og nå er som kultfilm å rekne.

Laster Twitter-innhold

Etter suksessen med «Trolljegeren» rant det inn med Hollywood-tilbod til den norske regissøren. Gjennom agenten kom det mellom 100 og 200 tilbod. Til Kulturnytt fortel Øvredal kva som gjorde at han valte å lage filmen om Jane Doe.

Høyr intervjuet med André Øvredal her:

– Då eg fekk tilsendt dette manuset blei eg fasinert. Det var ei fantastisk historie og verkeleg skummelt. Du blei omtrent livredd berre av å lese manuset.

«The autopsy of Jane Doe» handlar om to patologar som får eit lik inn på likhuset. Desto meir dei begynner å undersøke liket, desto merkelegare blir det.

– Har du sett mot sjangrar for å tilfredsstille Hollywood slik du trur dei vil ha det?

– Nei i grunnen ikkje. Eg har berre lagd den filmen som stod på papiret som best eg kunne. Eg kjenner alle dei klassiske grøssarane og har alltid vore glad i grøssarar sjølv, så det var enkelt å hoppe inn i.

– Ikkje sjå denne aleine skriv Stephen King på sin Twitter-feed, det er vel ein grei hyllest å få?

– Ja eg kom rett ut frå ein førpremiere i går kveld og såg denne tweeten til Stephen King, som eg fekk tilsendt av James Wan (regissøren bak skrekkfilmen «Saw»), fortel ein kry Øvredal til NRK.

Den norske regissøren fortel at han nå har eit nytt prosjekt på gang.

– Den heiter «Torden» og er ein norsk actionfylt kjærleiksfilm med overnaturlege element som finn stad på Vestlandet, fortel Øvredal.

Kulturstrøm

  • Sivert Aarflot-bygget åpnet

    I dag ble det nye mediebygget ved Høgskulen i Volda åpnet. «Sivert Aarflot-bygget» er nesten 4000 kvadratmeter og inneholder en rekke studio, redaksjonslokaler og kontorer og skal for det meste brukes av de 600 mediestudentene. Medieutdanninga i Volda er i år 50 år.

    Sivert Aarflot
    Foto: Høgskulen i Volda / NRK
  • Norsk barnebok vant tysk pris

    Marianne Kaurins bok om hvor problematisk det kan være å ikke ha noen sommerferie å fortelle om har vunnet Deutscher Jugendliteraturpreis.

    Da romanen «Syden» ble lansert i Tyskland i fjor sommer, trakk flere anmeldere den fram som spesielt aktuell i den krisen vi står i.

    Andre anmeldere trakk fram at Kaurin skriver lett tilgjengelig om den vanskelige barnefattigdommen. Kaurin vant prisen sammen med oversetteren Franziska Hüther.

    – At en norsk barnebok vinner en av verdens mest prestisjefulle litteraturpriser, Deutscher Jugendliteraturpreis, er rett og slett stort, sier Evy Tillman, litterær agent i Oslo Literary Agency, via en pressemelding.

    Deutscher Jugendliteraturpreis ble delt ut for første gang i 1956. De nominerte bøkene får ekstra oppmerksomhet i det store tyske bokmarkedet fram til prisen deles ut under Bokmessen i Frankfurt i oktober (NTB).

    Marianne Kaurin
    Foto: Aschehoug forlag