Hopp til innhold

Dei tilsette gjer opprør før operasjefen har begynt i jobben

Det er fullt opprør blant songarane ved Den Norske Opera og ballet i Oslo. Den nye operasjefen har signalisert at ho ikkje ønskjer fast tilsette ved operaen. Dermed har ho hissa på seg operasolistane alt fire månader før ho har begynt i jobben.

Opera war

OPPRØR: Operasolistane med Facebook-opprør mot leiinga. På facebook-sida bruker dei bilde av operabygget med påskrifta «War». Tagginga var reklame for oppsettinga «War Requiem» i 2016.

Foto: Heiko Junge / NTB scanpix

– Nå har vi nådd eit punkt kor vi ikkje lenger kan sitte og ikkje seie noko, nå står vi saman alle saman, seier operasongar og tillitsvalt Henrik Engelsviken.

Annilese Miskimmon

PÅTROPPANDE: Annilese Miskimmon begynner som operasjef om fire månader.

Foto: Den Norske Opera & Ballett

Om fire månader begynner irsk-britiske Annilese Miskimmon som ny operasjef ved Den Norske Opera og ballet i Oslo. Alt nå har ho klart å hisse på seg songsolistane, fordi ho ønskjer å slutte med faste tilsettingar.

Bryt tausheita

Songarane seier dei har vore lojale mot leiinga i alle år trass mange interne konfliktar, men har nå valt å bryte tausheita med ei protestside på Facebook.

Henrik Engelsviken er operasongar og tillitsvalt ved Den Norske Opera og Ballett. Fredag kveld var han med å opprette facebooksida «Pensjonsranet på Operaen».

Facebook-sida er ein protest mot si eiga leiing, som dei tilsette meiner øydelegg Norges største og dyraste kulturinstitusjon frå innsida.

OPERA

OPPRØRTE: Operasolist og tillitsvalt Henrik Engelsviken er blant dei som står bak Facebook-protesten.

Foto: Bjørn Sigurdsøn / NTB scanpix

– Vi er veldig opprørte. Vi er redde for framtida, ikkje nødvendigvis for oss sjølve, men for neste operagenerasjon av talent og songarar, seier Engelsviken.

To år er gått sidan konfliktane rundt den avtroppande operasjefen, Per Boye Hansen, blei så store at han ikkje fekk fornya åremålet sitt.

Nå er det arvtakaren Annilese Miskimmon sin tur til å hisse på seg operasolistane.

– Tidlegare har Miskimmon skrytt av den norske modellen og korleis vi løyser ting her. Ho har snakka om kor mykje ho gler seg til å begynne å jobbe på ein slik stad, for så i den neste augneblinken å gå inn å bryte arbeidsmiljøloven, seier Engelsviken.

– Ulovleg

Det handlar om kor mange fast tilsette songsolistar operaen skal ha. Avtalen seier 15, men for eit år sidan trygla leiinga dei tilsette om at det berre skulle vere 10 i eitt år, for å spare pengar. Dette gjekk solistane med på, i god tru om at dei igjen ville bli femten i 2017. Men så fekk dei ny operasjef.

– Før ho har tiltredt sender ho ut ein mail med klar beskjed om at ho ikkje lenger vil tilsette fast.

– Trur du det er ulovleg?

– Det er ulovleg når dei ikkje har ein særavtale med oss, seier Engelsviken.

Nils Are Karstad Lysø

KUNSTNARISKE OMSYN: Administrerande direktør Nils Are Lysø støtter Miskimmon.

Foto: Roald, Berit / NTB scanpix

NRK har ikkje klart å kome i kontakt med Miskimmon, derfor er det administrerande direktør Nils Are Lysø som svarer på kritikken.

– Vårt ønske om å gå over til åremålskontraktar framfor livslange kontraktar er av kunstneriske omsyn.

– Kva er fordelen med slike midlertidige kontraktar slik de ser det?

– Vi trur vi får ei betre løysning over tid med ein miks av lengre og kortare åremålskontraktar, men dette føreset at vi får ein ny avtale med våre solistar, seier Lysø.

Kulturstrøm

  • Sjette førsteplass på albumlisten for Ariana Grande

    Ariana Grande sikrer seg sin sjette førsteplass på den amerikanske albumlisten med sitt sjuende studioalbum.

    – En uke med evig solskinn, skrev Ariana Grande i helgen på Instagram – og siktet til suksessen som hennes sjette album, kalt nettopp «Eternal Sunshine», har.

    Utgivelsen solgte det som tilsvarer 227.000 albumenheter i sin første uke, noe som er årets beste hittil, ifølge Billboard. Blant annet ble låtene strømmet 195 millioner ganger. Den nye platen, som også topper VG-lista her hjemme, er laget i samarbeid med svenskene Max Martin og Ilya Salmanzadeh.

    Grande har tidligere toppet albumlisten med «Positions» (2020), «Thank U, Next» (2019), «Sweetener» (2018), «My Everything» (2014) og «Yours Truly» (2013). 2016-platen «Dangerous Woman» kom «bare» til en andreplass.

    Ariana Grande
    Foto: AFP
  • Fem land vil ha «Cammo»

    NRK har inngått opsjonsavtale med Tyskland, Frankrike, Spania, Belgia og Nederland om nyinnspillinger av dramakomedien «Cammo».

    Over 700.000 så første sesong av «Cammo». Serien handler om influenseren Cammo, som går konkurs og må ta på seg jobben som støttekontakt for Kamilla med Downs syndrom.

    – Dette er helt surrealistisk! At humoren og historien i «Cammo» kan treffe både spanjoler og tyskere er skikkelig gøy. Jeg gleder meg til å se hvordan de forskjellige landene tolker manus, og er så takknemlig og glad for at historien om Cammo og Kamilla potensielt skal bli fortalt til så mange millioner mennesker, sier Caroline Glomnes, serieskaper og hovedrolleinnhaver.

    Katelyn Garbin og Caroline Glomnes i rollene som Kamilla og Cammo.
    Foto: NRK

Flere kulturnyheter