NRK Meny
Normal

Snakkar politikarane sant?

No kan du kontrollere om påstandane til politikarane er riktig. Bergens Tidende har lansert ein nettstad der politikarpåstandane vert faktasjekka.

faktasjekk.no
Foto: Ann-Iren Finstad / NRK

faktasjekk.no kan du sjekke om Siv Jensen eller Kristin Halvorsen faktisk snakkar sant.

- Vi vil ettergå påstandane som kjem i valkampen, seier journalist i Bergens Tidende Helge O. Svela.

Inspirasjon frå amerikansk valkamp

Saman med kollega Christian Lura har han utvikla nettstaden der politikarane no blir ettergått i saumane. Inspirasjonen henta dei frå den amerikanske valkampen i fjor haust.

- Vi tenkte at nettstaden politifact.com også måtte vere eigna for det norske stortingsvalet, fortel Svela.

Dei to journalistane skal ta for seg påstandar frå politikarane fram til valdagen. Dei researcher fram sakene og kjem med innspel. Den endelege avgjerda er det redaktørane i avisa som står for.

- Faktasjekken er eit meiningsbærande utsegn for Bergens Tidende. Vi som gjer researchen skal ikkje sitte å felle dommen, seie Svela.

Gjer debatten betre

Og responsen frå politikarane let ikkje vente på seg.

- Kult, seier Trine Skei Grande i Venstre før ho fortsetjer:

- All kontroll er artig, sjølv om det går utover meg sjølv.

Ho meiner ein slik nettstad er med å gjere debatten betre.

- Det kjennest rettferdig fordi ein ikkje kan slå rundt seg med tal viss ein ikkje snakkar sant, seier ho.

Kulturstrøm

  • Dom mot tyrkiske journalister

    Minst 13 journalister fra den tyrkiske avisen Cumhuriyet ble dømt for terroranklager i Istanbul i kveld. Tre ble frikjent, ifølge Reuters.

    Tyrkiske journalister i rettsak
    Foto: Yasin Akgul / AFP
  • Nordic Light er i gang

    Kreativ leiar Morten Krogvold stod for den offisielle opninga av årets Nordic Light-festival i Kristiansund i dag. Fotofestivalen blir arrangert for trettande gang i år og trekker fotografar og fotointeresserte frå heile verda.

    Kreativ leiar Morten Krogvold stod for den offisielle opninga av årets Nordic Light-festival i Kristiansund i dag.