Sommaren er på hell, og det har vore ein sommar der brunsniglen har fått leve fritt. Eller mordarsnigle og iberiaskogsnigle om du vil.
- Eg har høyrt om ein som har plukka 60 000 sniglar i hagen sin, fortel Geir Erik Berge som er dyrlege i Nitimen.
Rydd opp
Det er mange hagar som er blitt invadert av desse sneiglane, og det er då godt å ha Geir Erik, han kan i alle fall hjelpe deg litt med korleis du skal bli kvitt dei, til neste år.
- Rydd i hagen, finn stadane der dei gøymer seg.
Grunnen til at ein bør gjere dette på hausten er at brunsniglen har ein spesiell livssyklus.
- Dei legg egg no på hausten som blir til småsniglar, så overvintrar dei.
Difor fortel Geir Erik at det er viktig at ein ryddar under løv og andre stadar der det er fuktig.
Når våren kjem
- Når våren kjem bør ein rake og rydde, då kan vi redusere det litt, fortel Geir Erik.
Men det er ikkje alle som er like flinke til å rake og rydde hagen sin. Og då fins det sjølvsagt eit middel som ein kan bruke.
- Jo, det fins noko slikt. Eit stoff som inneheld små rundormar som invaderar sniglane og øydeleg dei.
Og dette er sjølvsagt lov å bruke i Norge.
- Det høyres kanskje litt dramatisk ut, for det blir jo å innføre endå ein art som ikkje høyrer heime her, men rundormen klarar ikkje å etablere seg.
Mange born
Ein brunsnigle utviklar først manneleg kjønnsorgan og deretter kvinnelege, dette gjer til at sniglane kan legge store mengdar egg.
- Dei kan legge mange egg, opptil 400-500 egg. Det betyr at kvar snigle du ser kan bli mamma og pappa veldig mange.
Og det igjen er ikkje så bra i hagen din.
- Det er nok lurt å alliere seg med naboen, for det hjelper ikkje å plukke i din hage om naboen sin er full!
Snill mot dei andre
I Norge har vi rundt 90 forskjellege snigleartar. I utgangspunktet er sniglane bra for økologien vår, dei gjer ein viktig jobb med å rydde opp rusk og rask.
- Dei fleste andre sniglar enn brunsniglen kan ein godt la vere, avsluttar Geir Erik.
