Reporter Pål Hovengen Plassen likte godt Reiseradio-kaffien.
Foto: Helga Hem / NRKDet er ikkje vanskeleg å lage den perfekte sommar-kaffien om ein berre vil. Det er nesten for enkelt.
Reporter i Reiseradioen Pål Hovengen Plassen tok turen til Kaffebrenneriet for å få hjelp til å lage Reiseradioen sin eigen kaffi, den fekk sjølvsagt namnet "Reiseradio-kaffien".
Det første ein skal gjere er faktisk å slå på kaffitrakteren.
- Traker har dei fleste av oss, så eg syns det er like godt å lage ein god iskaffi med å bruke vanleg traktekaffi, som ein kan lage heime, fortel barista Synnøve Pedersen.
Men det er viktig med gode råvarer, og den kaffien Synnøve valde kjem frå Etiopia, kaffien sitt heimland.
- Dette er ein frisk og god kaffi med mykje frukt i seg, som er veleigna til å drikke kald.
Med eller utan sukker
Og slik blei det ferdige resultatet!
Foto: Helga Hem / NRK- Ein kan faktisk la vere å ha sukker i om ein ikkje vil det. Kaffien er søt i seg sjølv, men eg anbefaler litt sukker, for når ein kjøler ned kaffi blir den bitter, fortel Synnøve.
Sukker, kaffi og is
- Eg har tatt oppi ei god teskje med sukker til kvart glass, så har eg helt ferdigtrakta kaffi som har stått i kjøleskapet ei stund over eit glass med isbitar, fortel Synnøve om Reiseradio-kaffien.
- Veldig, veldig god, og med mykje smak, avsluttar ein nøgd Reiseradio-reporter.