Den sveitsiske banken Credit Suisse deler ut prisen Credit Suisse Young Artist Award annakvart år. Prisen vart delt ut etter ein konkurranse i Wien si musikalske bestestove Musikverein sist veke, og prisutdelarane skriv i pressemeldinga om prisen at Frang «er kjend som fantastisk utrykksfull og for musikalitet og virtuositet av stort format.»
Prisen er eit samarbeid med den velrenommerte Lucerne-festivalen, og inneber at Vilde Frang blir solist med Wien-filharmonien, rekna som eit av verdas aller beste orkester, under ein konsert under festivalen 14. september neste år. Dirigent blir den berømte nederlandske 82-åringen Bernard Haitink. I tillegg blir Frang tildelt 75 000 sveitsiske franc, som tilsvarar om lag 470 000 kroner etter dagens kurs.
Les:
Frå Arve-pris til Brit Awards
Dei siste to åra har det dryssa prisar og utmerkingar over den norske 25-åringen; etter å ha utnemnd til EMI Classics sin «Young Artist of the Year», fekk ho i fjor Arve Tellefsens Musikkpris og vart tildelt Statoilstipendet på ein million kroner.
I år vart Frang kåra til årets nykommar under Classic Brit Awards i mai. «Beste nykommar»-pris fekk ho også under den nederlandske Edison-prisen og den tyske ECHO-prisen i sommar, og ho vart også tildelt den tyske Wemag-solistprisen.
Les:
Les: