Hopp til innhold

Norge Rundt i Grandiosaland

Grandiosa-pizzaen er blitt kjempesuksess....akkurat som Norge Rundt. Difor reiste Norge Rundt til Grandiosabygda for å finna ut korleis Grandiosaen blir til.

Grandiosa i lange banar
Foto: Geir Rommetveit / NRK

 Tok ein sjanse

”Ja, klart me kan laga pizza”, svara fabrikksjef Ivar Moss i 1979 då han vart spurd pr telefon av konserndirektøren. Situasjonen var den at 75 tilsette ved fabrikken i Stranda stod i fare for å missa arbeidet.

Pizzadeigen klar for "kjevling"
Foto: Geir Rommetveit / NRK

Men Ivar Moss ante ikkje kva pizza var då han svara ja. Han la på telefonrøyret, snudde seg til kona og spurde:”Kva pokker er pizza?”

Nå veit alle her i landet kva pizza er, og storslagaren Grandiosa er den klart mest selde frosenpizzaen både i Norge, Sverige og Danmark.

200.000 Grandiosa pr døger

I løpet av eit år lagar dei nærare 40 millionar pizzaer ved dei to fabrikkane i ”Grandiosa-bygda” Stranda på Sunnmøre.

Fabrikksjef Hans Jostein Langelo ved oreganolageret
Foto: Geir Rommetveit / NRK

45 tonn mjøl, 34 tonn ost, 25 tonn kjøt, 7 tonn tomatkonsentrat og masse gjær blir brukt bare på ein produksjonsdag. Dessutan diverse krydder. Då Norge Rundt var på fabrikken i Stranda, såg me mange sekker med oregano og persille, men dei påstod at dei hadde fleire hemmelege sekker som inneheld forklaringa på den spesielle Grandiosa-smaken.

Pepperonipølse, Inger Årvik og programleiaren
Foto: Trond Baugstø / NRK

Fabrikksjef Hans Jostein Langelo meiner det er den milde smaken på Grandiosaen som gjer at så mange kjøper han. Operatør ( eller pizzakjerring, som ho kallar seg) Inger Årvik meiner suksessen skuldast at Grandiosaen ikkje smakar noko særleg, og at det då er lett for alle som ønskjer det å tilføra den smaken dei vil.

 

Tomatsaus og ost blir tilført automatisk
Foto: Geir Rommetveit / NRK

Gullringen stansa produksjonen

For eindel år sidan føregjekk det meste av pizzaproduksjonen meir manuelt enn i dag. Nå er der fleire robotar som har gjort at talet på tilsette stadig har gått ned. I dag er der 150 tilsette.

På den tida då paprika og ost vart lagt på med menneskehender, var det ei kvinne som var uheldig og mista gifteringen sin oppå ein pizza på samlebandet. Pizzaen forsvann vidare på bandet, produksjonen måtte stansast og alle tilsette i gang med å leita etter gullringen (som vart funnen før pizzaen kom ut i butikk).

I dag er der metalldetektor som kastar ut pizza som inneheld metall. Me ofra ringen vår, plasserte ein sølvring i ein pizza………og kva som skjedde får du sjå på

Norge Rundt på NRK 1 fredag kl 19.30

Kulturstrøm

  • Gåte er fornøyd, men spente

    Til NRK sier Gåte at de er fornøyde med plasseringen de har fått i sin semifinale, men at de samtidig er spente på stemningen i salen etter Israels opptreden.

    Tidligere tirsdag ble det kjent at Norge opptrer rett etter Israel i den andre semifinalen i Malmö 9. mai. EBU har fått kritikk fra flere hold for å la Israel delta.

    Jim Ødegård Pedersen, leder folkejuryen Adresse Malmö, tror det kommer til å gå bra. Men sier at Israels bidrag ikke er det enkleste å opptre etter i år. Også han er spent.

  • Madonna avslutter turné med stor gratiskonsert

    Madonna skal holde en enorm gratiskonsert på Copacabana i Rio de Janeiro 4. mai som avslutning på Celebration-turneen som startet i oktober.

    På Madonnas nettside omtales konserten som hennes «største show hittil». Den er en «takk til fansen for å ha feiret musikken hennes i mer enn fire tiår».

    Madonna
    Foto: Evan Agostini / AP