- Hest er min lidenskap

- Hest er min lidenskap og trav er min livsstil. Det er livsmottoet til Renate Aarlie, som me får møta i Norge Rundt på fredag.

Kusk Renate Aarlie
Foto: John Arnt Nøstdal / NRK

Ho er 20 år, kusk på Bergen travpark og på god veg til å bli travtrenar. Og korleis begynte alt?

- Storesøster mi dreiv med hest, så kom eg inn i det og. Etter kvart begynte eg med ponnitrav, og i 2003 sette eg norgesrekord i ponnitrav med shetlandsponnien Little Non Stop. Tenk å oppleva det som 13-åring, heilt fantastisk!

Då var det gjort, Renate Aarlie var bitt av hestebasillen.

Kjøpte hest usett

Trening med hestene

I alt står det 13 hester på Ringheim stall. Alle skal ha trening.

Foto: John Arnt Nøstdal / NRK

Chip Hovsten er namnet på hesten til Renate, og dei to har eit heilt spesielt forhold.

- Han er min augestein. Eg syng ofte for han i stallen, og han må vere den mest bortskjemde hesten i heile landet, seier Renate.

Ho fortel gjerne historia om korleis det blei dei to.

- Eg fann ei salsannonse i eit travblad. Han høyrdes heilt utruleg ut, og eg begynte å ringa rundt for å få låna pengar til å kjøpe han. Eg snakka med besteforeldre, sjefen til far min og mor mi. Ho sa ja, og eg sende ei tekstmelding til eigaren om at eg hadde pengane i boks og ville ha hesten!

Men det var ikkje så enkelt, for selgaren hadde fleire interesserte. Likevel, dagen etter kom telefonen ho hadde venta så spent på.

- Eg fekk kjøpa han! Du kan tru det var god stemning i stallen etterpå då. Pengane eg lånte av mi mor blei raskt tilbakebetalt. Han viste seg å vere litt av ein vinnar på travbana.

Årets montèchampion

Trening på travbana

Hester blir trent i par. Dei gir meir når dei har nokon å konkurrera mot.

Foto: John Arnt Nøstdal / NRK

Sidan 2003 har ho vore på Ringheim-stallen hos travtrenar Frank Ringheim. No er ho lærling same plass, og ho gjer det godt.

- I desember blei eg montèchampion på Bergen travpark med hesten Nøkle Pål. Det var heilt utruleg. Eg hadde ikke rekna med å ta den siste avgjerande sigeren, for det kom ein storfavoritt frå østlandet, seier Renate.

Montè er trav kor kusken sit på hesten, i staden for i vogn. Ho er knallgod, og blei altså årbeste på travparken, men målet er større enn det.

- Ein gong skal eg bli best.

Utanom å bli best i montè i landet, har ho draumar om å bli travtrenar på eigen gård.

Frank Ringheim er stolt over å ha Renate i stallen.

- Ja, mykje har skjedd sidan ho kom til stallen som trettenåring. Renate står på, og har det som trengst. Ho er svært talentfull.

Renate svarar raskt tilbake.

- Alt eg kan om trav med store hestar har eg lært av deg Frank. Det er på grunn av deg eg har kome meg dit eg er i dag.

Sjå Norge Rundt på fredag, då får du høyra Renate synga vakre tonar til sin kjære Chip Hovsten.

Kulturstrøm

  • Knallgod science fiction

    – Med sin virkelighetsnære fremstilling av teknologi og fysikk, samt et interessant galleri av rollefigurer, har «The Expanse» satt en ny standard for hva vi kan forvente av sci-fi i TV-ruta, skriver seriekritiker Marte Hedenstad om den sjette og siste sesongen. Hun gir den terningkast 5 hos Filmpolitiet.

    SISTE REIS: Mannskapet ombord på Rocinante i den siste sesongen av «The Expanse».
    Foto: Amazon Prime Video.
  • The Beach Boys og Duran Duran til Lillestrøm

    I mai og juni skal størrelser som Duran Duran og The Beach Boys rykke inn på en parkeringsplass i Lillestrøm – som del av en ny konsertserie kalt Sommerstemning.

    Stjernene stiller på den store parkeringsplassen utenfor Nova Spektrum, tidligere kjent som Norges Varemesse. Der er det rom for 8.000 publikummere.

    Bak Sommerstemning står TADC Norway, som drives av Jon Enger, Edward Janson og Chris Rotenius og er en del av TADC-konsernet med selskaper i Sverige og Danmark (NTB).