Stemmeskjema
Ein klassisk gjengangar når det gjeld MGP og Eurovision.
PDF-versjon:
Word-versjon:
I skjemaet står artistane oppført i den rekkjefølgja dei opptrer i, i tillegg til stemmeinformasjonen.
Her kan du fylle inn poenga dine etter kvart som artistane har framført nummeret sitt, og du kan gi poeng på alt frå sceneshow til styling.
KEiiNO «Damdiggida»
Fem år er gått sidan KEiiNO kombinerte urnorske melodiar, joik og dansbar pop for fyrste gang, og den unike sounden har fått eit stort internasjonalt publikum. Nå vil dei gjere eit nytt forsøk på å ta sigeren heim!
Annprincess «Save Me»
Annprincess er ein artist og låtskrivar frå Lier. 32-åringen elskar å skrive låtar som får andre til å føle seg sterke, sett og høyrt. MGP-låten «Save Me» handlar om einsemda ein kjenner på av at andre påpeiker kor annleis ein er.
GOTHMINISTER «We Come Alive»
GOTHMINISTER er Bjørn Alexander Brems hjartebarn og alter ego. Til dagleg jobbar Oslo-mannen som advokat, men om natta kjem GOTHMINISTER fram.
Ingrid Jasmin «Eya»
Ingrid Jasmin har vekse opp i Telemark, eit av kjerneområda for norsk folkemusikk, og har familieband til Latin-Amerika. Den musikalske reisa er berika av hennar varierte bakgrunn.
MIIA «Green Lights»
MIIA erobra mange lyttarar rundt om i verda med singelen «Dynasty» i 2015. Låten vart omtalt av Billboard og var ein del av hitlister som New Music Friday globalt. Bak artistnamnet finn vi Mia Virik Kristensen frå Kragerø.
Margaret Berger «Oblivion»
Margaret Berger er eit kjent namn i denne konkurransen. Ho vann MGP i 2013 og kom på fjerdeplass i Eurovision med låten «I Feed You My Love».
Dag Erik Oksvold og Anne Fagermo «Judge Tenderly of Me»
Dei fann tonen musikalsk under «The Voice» i fjor. Dei tidlegare konkurrentane har i ettertid samarbeida om musikken, deltatt i «Beat for beat» og er nå klare for MGP-scena med låten «Judge Tenderly of Me».
Gåte «Ulveham»
Gåte fekk sitt gjennombrot på starten av 2000-talet og skulle raskt vise seg å bli ein nasjonalskatt. Deira unike kombinasjon av tradisjonell norsk folkemusikk og eksplosiv rock løfta dei ut av øvingskjellaren og inn på store scener på rekordtid.
Super Rob, Erika Norwich «MY A.I.»
Erika Norwich er ein talentfull låtskrivar og artist frå Trondheim. Ho har gjort seg bemerka med låtar som «Til Lillebror» og EP-en «Fra hjertet til hodet og ut». Super Rob er her for å hjelpe menneske og vil helst berre skape god stemning for heile verda.