Karpe gjev vekk strøymeinntekter framover

Rapgruppa Karpe skriv i eit innlegg på sosiale medium at frå og med i dag går alle strøymeinntekter til organisasjonen «Patel og Abdelmaguid Foundation», som skal betre situasjonen for flyktningar, asylsøkarar og innvandrarar.

Karpe Diem

Rapduoen Karpe gjer frå og med i dag vekk alle inntekter til ein organisasjon som Karpe sjølv har stifta.

Foto: Stian Andersen

«Hvis vi en eller annen gang i livet, mot alle odds, eier masterrettighetene til alle utgivelsene våre… så gir vi bort alt. Hele katalogen. Alle inntektene. For resten av livet og en god stund til. Det er arven vår.»

Denne lovnaden gav Chirag Rashmikant Patel og Magdi Omar Ytreeide Abdelmaguid i Karpe kvarandre for ni år sidan.

Frå og med i dag byrjar pengane å tikke inn på kontoen til fondet, som er stifta og eigd av rapduoen.

«Hver gang du hører på en av låtene våre, fra Glasskår til SAS PLUS / SAS PUSSY, går alle inntektene rett til «Patel og Abdelmaguid Foundation» («PAF»). Én gang i året vil «PAF» dele ut penger til både små og store prosjekter som ønsker å bedre situasjonen for flyktninger, asylsøkere og innvandrere. Både i Norge og i resten av verden», skriv Karpe på sin Instagram-profil.

Karpe ønskjer ikkje å gje kommentarar utover det som står i innlegga på Instagram og Facebook. Dagleg leiar Limita Lunde i Little Big Sister, som er managementet til Karpe, bekreftar at det som står i innlegga stemmer.

Samstundes som Karpe kunngjer at dei gjev vekk alle framtidige inntekter, går det mot rettssak i Skien. Karpe held tilbake ein million kroner etter at dei kjøpte kulturbygget Festiviteten.

Årelang konflikt

Etter ein årelang konflikt kom Karpe i august i 2019 til einigheit med sitt gamle plateselskap Cosmos om kjøp av masterrettigheitene til dei fire første utgjevingane deira.

– No har vi masterrettigheitene til all musikk vi nokosinne har gitt ut. Eg føler meg fri, sa Magdi Omar Ytreeide Abdelmaguid i Karpe til DN.

Kulturstrøm

  • Vedtar kvensk versjon av norske ord

    Språktinget skal vedta kvensk versjon av mange norske ord som er kommet til i nyere tid. Leder av Kvensk språkting, Egil Sundelin sier det er viktig å ha en dialog mellom eldre kvenske språkbrukere og fagfolk som skal lage kvenske ord.

  • Regjeringskritisk journalist drepen

    Ein journalist som var sterkt kritisk til styresmaktene i Honduras, har blitt skoten og drepen. 87 journalistar har blitt drepne i landet dei siste 20 åra. Luis Almendares blei skoten av to menn på ein motorsykkel på veg til ein butikk i Comayagua.